فوتو: pixabay.com
سونىمەن قاتار اتقارۋشىلىق قۇجاتتاردىڭ جەكەلەگەن ساناتتارى بويىنشا جەڭىلدەتىلگەن ءوندىرىس قولدانۋ كەڭەيتىلەدى. اتاپ ايتقاندا, ايىپپۇلدار مەن سالىقتىق بەرەشەكتەر بويىنشا ءوندىرىپ الۋ شەگى 20 اەك-تەن 40 اەك-كە دەيىن ۇلعايتىلادى.
بۇدان بولەك, بورىشكەرلەردى باسپاناسىنان ءماجبۇرلى تۇردە شىعارۋ تۋرالى الدىن الا حابارلاما مىندەتتەلەدى.
«تۇزەتۋلەردە بورىشكەردى باسپاناسىنان ءماجبۇرلى تۇردە شىعارۋ تۋرالى الدىن الا كەمىندە 10 كۇن بۇرىن حابارلاۋ مىندەتى ەنگىزىلەدى. بۇل ازاماتتارعا كوشۋگە جانە تۇرعىن ءۇي ماسەلەلەرىن شەشۋگە مۇمكىندىك بەرەدى», دەلىنگەن ءماجىلىس حابارلاماسىندا.
سونداي-اق زاڭ جوباسىندا مەرزىمى وتكەن اتقارۋشىلىق قۇجاتتار بويىنشا بارلىق ماجبۇرلەۋ شارالارى توقتاتىلاتىنى قاراستىرىلعان. بۇعان قوسا, ءوندىرىستى اياقتاعان سوت ورىنداۋشىسىنا باسقا ورىنداۋشىلار سالعان تىيىمداردى الىپ تاستاۋ قۇقىعى بەرىلەدى.
سونداي-اق ءماجىلىستىڭ جالپى وتىرىسىندا قىزمەت الۋشىلاردىڭ جەكە دەرەكتەرىن نەگىزسىز پايدالانعان نوتاريۋستار ليتسەنزياسىنان ايىرۋ تۋرالى زاڭ جوباسى قابىلداندى.
