فوتو: Polisia.kz
ءىىم اكىمشىلىك پوليتسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى گۇلنۇر قۇدايبەرگەنوۆانىڭ ايتۋىنشا, تەكسەرۋدىڭ تيىمدىلىگىن ارتتىرۋ ءۇشىن استانا قالاسى جانە قاراعاندى, قوستاناي وبلىستارى پاترۋلدىك پوليتسياسىنىڭ قوسىمشا كۇشتەرى جۇمىلدىرىلعان.
«بۇعان دەيىن مۇنداي ماقساتتى تەكسەرۋلەر الماتى, شىمكەنت قالالارىندا, سونداي-اق الماتى, قاراعاندى, تۇركىستان وبلىستارىندا ءوزىنىڭ تيىمدىلىگىن كورسەتتى. تاجىريبە قاۋىپتى قۇقىق بۇزۋشىلاردى جەدەل انىقتاۋعا مۇمكىندىك بەرەتىنىن دالەلدەدى», دەدى ول.
اقتوبەدە ەكى كۇن ىشىندە جول قوزعالىسى ەرەجەسىن بۇزۋدىڭ 1351 دەرەگى تىركەلدى. پوليتسيا اسىرەسە ادام ومىرىنە تىكەلەي قاۋىپ توندىرەتىن ورەسكەل قۇقىق بۇزۋشىلىقتارعا باسىمدىق بەرگەن.
اتاپ ايتقاندا, ەكى كۇن ىشىندە:
– كولىكتى ماس كۇيدە باسقارۋدىڭ 11 دەرەگى;
– ەسىرتكى جانە پسيحوتروپتىق زاتتاردى مەديتسينالىق ەمەس ماقساتتا قولدانۋدىڭ 1 دەرەگى;
– قارسى باعىتقا شىعۋدىڭ 5 دەرەگى;
– باعدارشامنىڭ تىيىم سالىنعان بەلگىسىنە ءوتۋدىڭ 20 دەرەگى انىقتالعان.
سونداي-اق 47 ادام جۇرگىزۋشى كۋالىگىنسىز كولىك تىزگىندەگەن.
قانداي جاعدايدا جول ەرەجەسىن بۇزۋ «ۇساق بۇزاقىلىق» دەپ تانىلادى؟
Polisia.kz-ءتىڭ حابارلاۋىنشا, تەكسەرۋ بارىسىندا جولداعى اپاتتى جاعدايلارعا سەبەپ بولاتىن وزگە دە جۇيەلى بۇزۋشىلىقتار انىقتالدى. ناقتى اتاعاندا:
– 56 اۆتوكولىك مەملەكەتتىك تىركەۋ ءنومىرىنسىز جۇرگەن;
– 1 جۇرگىزۋشى جالعان ءنومىر پايدالانعان;
– 208 كولىك تەحنيكالىق رەگلامەنت تالاپتارىنا ساي كەلمەگەن;
– 180 اۆتوكولىك مىندەتتى تەحنيكالىق بايقاۋدان وتپەگەن;
– 150 جۇرگىزۋشى قاۋىپسىزدىك بەلدىگىن تاقپاعان;
– 65 ادام كولىك جۇرگىزۋ كەزىندە ۇيالى تەلەفون قولدانعان.
جاياۋ جۇرگىنشىلەر اراسىندا دا جول ەرەجەسىن بۇزۋدىڭ 66 دەرەگى تىركەلدى.
ەكى كۇن ىشىندە ارنايى ايىپپۇل تۇراعىنا 110 كولىك قويىلدى. ونىڭ ىشىندە 11 كولىك شەتەلدىك ەسەپتە تۇرعان. سونىمەن قاتار ءتۇرلى قۇقىق بۇزۋشىلىقتارعا بايلانىستى 41 اۆتوكولىكتىڭ مەملەكەتتىك تىركەۋ ءنومىرى الىندى.
مۇنداي تەكسەرۋلەر الداعى ۋاقىتتا وزگە وڭىرلەردە دە جالعاسادى.
وسىعان دەيىن, جەدەل جاردەم مەن اۆتوبۋستار ەندى جول ەرەجەسىن بۇزعانداردى تىركەيتىنى تۋرالى حابارلاعانبىز.
