فوتو: اشىق دەرەككوز
اۋەجاي اكىمشىلىگىنىڭ مالىمەتىنشە, بەلگىسىز ەر ادام قورشاۋدان اسىپ ءتۇسىپ, ۇشۋ-قونۋ جولاعىنا شىعىپ كەتكەن. سودان بىرنەشە مينۋت وتكەن سوڭ, ەكپىن الا باستاعان ۇشاق ونى قاعىپ كەتتى. قازا تاپقان ادامنىڭ جەكە باسى ءالى انىقتالعان جوق. بيلىك وكىلدەرى ونىڭ اۋەجاي قىزمەتكەرى ەمەستىگىن ايتىپ وتىر.
اقش كولىك ءمينيسترى شون داففي بۇل ارەكەتتىڭ قاۋىپسىزدىك ەرەجەلەرىن ورەسكەل بۇزۋ ەكەنىن مالىمدەدى.
ۇشاق بورتىندا بارلىعى 231 ادام (224 جولاۋشى جانە 7 ەكيپاج مۇشەسى) بولعان. سوقتىعىسۋدان كەيىن ەكيپاج قوزعالتقىشتاردىڭ بىرىنەن ءورت شىققانى تۋرالى سيگنال الىپ, ۇشاقتى شۇعىل توقتاتقان. جولاۋشىلار ەۆاكۋاتسيالانىپ, سالون ىشىندە ءتۇتىن پايدا بولعان.
اۋە كومپانياسىنىڭ حابارلاۋىنشا, ەۆاكۋاتسيا كەزىندە 12 ادام جەڭىل جاراقات العان.
قازىرگى ۋاقىتتا دەنۆەر پوليتسياسى مەن اقش-تىڭ كولىكتەگى قاۋىپسىزدىك جونىندەگى ۇلتتىق كەڭەسى تەرگەۋ جۇرگىزىپ جاتىر. ماماندار اۋەجاي قورشاۋلارىن تەكسەرىپ, بوتەن ادامنىڭ ستراتەگيالىق نىسانعا قالاي كىرىپ كەتكەنىن انىقتاۋعا كىرىسكەن.
