فوتو: اشىق دەرەككوز
مينيسترلىكتىڭ مالىمەتىنشە, قازىرگى تاڭدا مەكتەپ وقۋشىلارىن پروفيلاكتيكالىق تەكسەرۋ جۇيەسىندە باستى نازار بالالاردىڭ دەنساۋلىعىن جان-جاقتى تەكسەرۋدەن گورى, ستاتيستيكالىق كورسەتكىشتەرگە كوبىرەك اۋدارىلىپ كەلگەن. سونىڭ سالدارىنان كوپتەگەن اۋرۋ بەلگىلەرى دەر كەزىندە انىقتالماي وتىر.
اۋىرمايتىن جول ىزدە: پروفيلاكتيكالىق مادەنيەت قالىپتاسىپ كەلە مە؟
انا مەن بالا دەنساۋلىعىن ساقتاۋ دەپارتامەنتىنىڭ ديرەكتورى ماعريپا ەمبەرگەنوۆانىڭ ايتۋىنشا, بەيىندى مامانداردىڭ تاپشىلىعى مەن جۇمىس جۇكتەمەسىنىڭ تىعىزدىعى ءبىر بالانى تەكسەرۋ ۋاقىتىنىڭ كەمۋىنە جانە دياگنوستيكانىڭ ساپاسىزدىعىنا اكەپ سوعادى.
«سونىمەن قاتار ەرەكشە ءبىلىم بەرۋدى قاجەت ەتەتىن جانە مۇگەدەكتىگى بار بالالاردى ەسەپكە الۋدىڭ جەتكىلىكسىزدىگى دە وزەكتى ماسەلە بولىپ قالىپ وتىر», دەدى ول.
جاڭا جۇيە اياسىندا مەكتەپتەر تسيفرلىق ەلەكتروكارديوگرافتارمەن, پۋلسوكسيمەترلەرمەن, بوي مەن سالماق ولشەيتىن قۇرىلعىلارمەن, وتوسكوپتارمەن جانە تەلەمەديتسينالىق كەشەندەرمەن جابدىقتالادى. بارلىق مالىمەت اۆتوماتتى تۇردە اقپاراتتىق جۇيەلەرگە جىبەرىلىپ وتىرادى. الداعى ۋاقىتتا ءبىلىم بەرۋ ۇيىمدارىن ينتراورالدى كامەرالارمەن, پلانتوگرافتارمەن جانە اۆتورەفراكتومەترلەرمەن قوسىمشا جاراقتاندىرۋ كوزدەلگەن.
تارازدا مەكتەپ اۋماعىندا بيىكتىكتەن قۇلاعان وقۋشى اۋىر جاراقات الدى
دەنساۋلىق ساقتاۋ ءمينيسترى اقمارال ءالنازاروۆا بالا دەنساۋلىعىنا قاتىستى بارلىق مالىمەتتەر «بالانىڭ ەلەكتروندىق دەنساۋلىق پاسپورتىندا» جۇيەلى تۇردە جيناقتالۋى ءتيىس ەكەنىن ايتتى.
«بالالاردىڭ دەنساۋلىعىنا قاتىستى دەرەكتەر جۇيەلى تۇردە جيناقتالىپ, ءومىر بويى سۇيەمەلدەنۋى ءتيىس. بۇل اۋرۋلاردى ەرتە انىقتاپ, مەديتسينالىق باقىلاۋدىڭ تيىمدىلىگىن ارتتىرۋعا مۇمكىندىك بەرەدى», دەدى مينيستر.
مينيسترلىكتىڭ حابارلاۋىنشا, جاڭارتىلعان فورماتتى ەلىمىزدىڭ بارلىق مەكتەبىندە كەزەڭ-كەزەڭىمەن ەنگىزۋ 2026 جىلعى 1 قىركۇيەكتەن باستالادى.
اسىلجان قۇرمانعالي
