فوتو: اشىق دەرەككوز
سوت بارىسىندا ايىپتالۋشى سۇلتان سارسەماليەۆ ءوز كىناسىن ءىشىنارا مويىنداعانىن مالىمدەدى. ول ناۋرىز مۇقانعاليەۆتىڭ قازاسىنا قاتىستى كىسى ءولتىرۋ ايىبىمەن كەلىسپەيتىنىن ايتىپ, بۇل وقيعا ابايسىزدا بولعانىن جانە ءوزىن قورعاۋ ماقساتىندا ارەكەت ەتكەنىن العا تارتتى.
سونداي-اق, سارسەماليەۆ ماقسوت قارابالينگە 9 رەت, ونىڭ ايەلى ءناسىپ وتەشكاليەۆاعا 8 رەت, ال مەيرامگۇل قارابالينگە 32 رەت پىشاق جاراقاتىن سالعانىن مويىندادى.
سونىمەن قاتار ول ۇرلىق, الاياقتىق جانە قۇجاتتاردى زاڭسىز يەمدەنۋ باپتارى بويىنشا دا كىناسىن مويىنداعان. ونىڭ ايتۋىنشا, قىلمىس جاساعاننان كەيىن ءىزىن جاسىرۋ ماقساتىندا وسىنداي ارەكەتتەرگە بارعان.
سارسەماليەۆ ءىسى: پروكۋرور قىلمىستىڭ قالاي جاسالعانىن ايتىپ بەردى
وسىلايشا, ايىپتالۋشىعا تاعىلعان 13 ايىپتىڭ ىشىندە تەك ناۋرىز مۇقانعاليەۆتىڭ ولىمىنە قاتىستى ەپيزود بويىنشا عانا قاساقانا كىسى ءولتىرۋدى جوققا شىعارعان.
ەسكە سالايىق, جانگەلدين اۋىلىنداعى جاپپاي كىسى ءولتىرۋ ءىسى اتىراۋ وبلىسىندا ۇلكەن قوعامدىق رەزونانس تۋدىرعان ەدى. تەرگەۋ نۇسقاسىنا سايكەس, قازا تاپقاندار ايىپتالۋشىنىڭ بۇرىنعى جۇبايىنىڭ تۋىستارى بولعان.
ەسكە سالا كەتەيىك, بۇعان دەيىن كۇدىكتى ءولىم جازاسىنا دا دايىن ەكەندىگىن مالىمدەگەن بولاتىن.
