فوتو: اشىق دەرەككوز
Tengenomika ارناسىنىڭ مالىمەتىنشە, بۇل تەحنولوگيانى ەڭ جىلدام ءارى يكەمدى ەنگىزىپ جاتقان مەملەكەتتەر اراسىندا ءبىرىنشى ورىندا – بىرىككەن اراب امىرلىكتەرى (70%), ەكىنشى ورىندا – سينگاپۋر (63%), ءۇشىنشى ورىندا – نورۆەگيا (49%) تۇر.
العاشقى وندىققا يرلانديا مەن فرانتسيا (48%), يسپانيا (44%), جاڭا زەلانديا (43%), ۇلىبريتانيا, نيدەرلاند جانە كاتار (42%) ەندى.
يسپانيادا لا ليگا تورەشىلەرىنىڭ جۇمىسىن جاساندى ينتەللەكت باعالايدى
وسى رەتتە اقش-تا جي قولدانۋ دەڭگەيى – 31%, تايۆاندا – 31,8%, جاپونيادا – 22,5%, ءۇندىستاندا – 17,6%, قىتايدا – 16,4%, قازاقستاندا – 15,9%, ال رەسەيدە – 9,5% بولدى.
قازاقستاندا 2025 جىلدىڭ ءبىرىنشى توقسانىندا بۇل كورسەتكىش 12,7% ەدى. ءبىر جىل ىشىندە جاساندى ينتەللەكتىنى پايدالانۋ دەڭگەيى 3,2 پايىزدىق تارماققا وسكەن. قازىر جي بيزنەس, كەڭسە جۇمىسى, قىزمەت كورسەتۋ سالاسى مەن كورپوراتيۆتىك پروتسەستەرگە بىرتىندەپ ەنىپ كەلەدى.
ساراپشىلاردىڭ پىكىرىنشە, بۇگىندە جاھاندىق باسەكەنىڭ مودەلى وزگەرىپ جاتىر. جاساندى ينتەللەكتىنى ەڭبەك رەسۋرسى شەكتەۋلى, ادام كاپيتالى ءۇشىن باسەكە جوعارى جانە قىزمەت ەكسپورتىن دامىتۋعا باعىتتالعان ەلدەر بەلسەندى ەنگىزىپ جاتىر. ولار ءۇشىن جي – جۇمىس ورىندارىن كۇرت ارتتىرماي-اق ونىمدىلىكتى ءوسىرۋدىڭ ءتيىمدى قۇرالى.
شىمكەنتتە جاساندى ينتەللەكت مەكتەبى اشىلدى: كىمدەر تەگىن وقي الادى؟
سوندىقتان ازيا قازىر جاساندى ينتەللەكت نارىعى ەڭ جىلدام دامىپ جاتقان 15 ەلدىڭ 10-ىن وزىنە شوعىرلاندىرىپ وتىر.
مامانداردىڭ ايتۋىنشا, كەلەسى جاھاندىق الشاقتىق باي جانە كەدەي ەلدەردىڭ اراسىندا ەمەس, جاساندى ينتەللەكتىنى كۇندەلىكتى جۇمىسقا تەز ەنگىزگەن ەكونوميكالار مەن ونى ءالى دە تەك تاجىريبەلىك قۇرال رەتىندە قابىلدايتىن مەملەكەتتەردىڭ اراسىندا بولۋى مۇمكىن.
