فوتو: اشىق دەرەككوز
ەر ادام بۇل اقپاراتپەن كەلىسپەي, سوتقا جۇگىندى. ول اۋرۋحانا مەن وبلىستىق دەنساۋلىق ساقتاۋ باسقارماسىنا قارسى تالاپ-ارىز بەرىپ, ءوزىن ەسەپكە قويۋدى زاڭسىز دەپ تانۋدى جانە دەرەكتەرىن پسيحيكالىق اۋرۋلار ۇلتتىق تىركەلىمىنەن الىپ تاستاۋدى تالاپ ەتتى.
ءىستى قاراۋ بارىسىندا اۋرۋحانانىڭ ءوزى تەكسەرۋ جۇرگىزدى. كوميسسيا ەر ادامنىڭ ەسەپكە قاتەلىكپەن قويىلعانى تۋرالى قورىتىندىعا كەلگەن. انىقتالعانداي, بۇل قاجەتتى مەديتسينالىق تەكسەرۋسىز جانە بەلگىلەنگەن ءتارتىپتى بۇزا وتىرىپ جاسالعان.
وسىدان كەيىن مەديتسينالىق مەكەمە ۋاكىلەتتى ورگانعا تىركەلىمدەگى قاتە مالىمەتتەردى جويۋ تۋرالى ءوتىنىش جولداعان. الايدا بۇل ءوتىنىش قاراۋسىز قالعان.
اۋرۋحانا وكىلىنىڭ ايتۋىنشا, ەر ادامنىڭ امبۋلاتوريالىق كارتاسى ساقتاۋ مەرزىمىنىڭ اياقتالۋىنا بايلانىستى جويىلعان. بىراق كارتانىڭ جويىلعانىن راستايتىن قۇجاتتار سوتقا ۇسىنىلماعان.
دەنساۋلىق ساقتاۋ باسقارماسىنداعىلار تىركەلىمنەن مالىمەتتەردى جويۋ ءۇشىن ەر ادام دارىگەرلىك-كونسۋلتاتسيالىق كوميسسيانىڭ تەكسەرۋىنەن ءوتۋى كەرەك ەكەنىن مالىمدەگەن.
سوت ءىس ماتەريالدارىن زەردەلەپ, پسيحياتريالىق ەسەپكە قويۋ زاڭسىز بولعان دەگەن قورىتىندىعا كەلدى. سوت جاۋاپكەرلەر بىرنەشە ماڭىزدى جايتتى دالەلدەي الماعانىن اتاپ ءوتتى: ەر ادام پسيحياتريالىق كومەككە جۇگىنبەگەن, تولىققاندى مەديتسينالىق تەكسەرۋ جۇرگىزىلگەنىنە دالەلدەر بولماعان, كلينيكالىق باقىلاۋلار تىركەلمەگەن, سونداي-اق مۇنداي كومەكتى كورسەتۋگە ەر ادامنىڭ نەمەسە ونىڭ زاڭدى وكىلدەرىنىڭ كەلىسىمى ۇسىنىلماعان.
جۇرگىزۋشى كۋالىگىن ونلاين اۋىستىرۋ: جاڭا قىزمەتتى قالاي راسىمدەيمىز؟
ناتيجەسىندە اباي وبلىسىنىڭ مامانداندىرىلعان اۋدانارالىق اكىمشىلىك سوتى تالاپ قويۋشىنىڭ پايداسىنا شەشىم شىعاردى. تالاپ-ارىز قاناعاتتاندىرىلىپ, اۋرۋحانا مەن دەنساۋلىق ساقتاۋ باسقارماسىنا ەر ادام تۋرالى مالىمەتتەردى پسيحيكالىق اۋرۋلار ۇلتتىق تىركەلىمىنەن الىپ تاستاۋ مىندەتتەلدى.
ايتا كەتەيىك, اقمولا وبلىسىنا قاراستى جىبەك جولى اۋىلىندا ءوز اتا-اناسىن, مۇگەدەكتىگى بار نەمەرە اعاسىن جانە 18 جاستاعى قارىنداسىن ءولتىردى دەپ كۇدىككە ىلىنگەن 42 جاستاعى ازاماتتىڭ بۇعان دەيىن پسيحيكالىق ەسەپتە تۇرعانى بەلگىلى بولدى.
