فوتو: petrolplus.ru
جەرگىلىكتى باسىلىمداردىڭ مالىمەتىنشە, وقيعا وقۋ جىلى اياقتالماي تۇرىپ, ۇلكەن ءۇزىلىس كەزىندە بولعان. سىرتتا ويناپ جۇرگەن بالا مەكتەپتىڭ جەرتولەسىنە تۇسكەن. كەيىن سول جەردەن ىشىندە بەلگىسىز سۇيىقتىق قۇيىلعان پلاستيك ىدىستى تاۋىپ, ءىشىپ قويعان.
مۇعالىم وقۋشىدان بەنزين ءيىسى شىققانىن بايقاپ, سۇراستىرا باستاعان. سول كەزدە بالا بولعان جاعدايدى ايتىپ بەرگەن.
پەتروپاۆلدا Porsche Cayenne كولىگى 12 جاستاعى قىزدى قاعىپ كەتتى
ساباق اياقتالعانشا مەكتەپتە بولعان وقۋشى ۇيىنە بارعان سوڭ قۇسا باستاعان. اناسى ونى بىردەن اۋرۋحاناعا اپارعان. دارىگەرلەر اسقازانىن شايىپ, كەيىن وبلىستىق بالالار كلينيكالىق اۋرۋحاناسىنا جەتكىزگەن.
دارىگەرلەر ەم جۇرگىزگەننەن كەيىن بالانىڭ جاعدايى تۇراقتانعان. قازىر ونىڭ ومىرىنە قاۋىپ جوق. وقۋشى اۋرۋحانادان ۇيىنە شىعارىلدى.
وبلىستىق ءبىلىم باسقارماسى 7 جاستاعى بالانىڭ بەنزين ءيىسى بار سۇيىقتىقتى ابايسىزدا ءىشىپ قويعانىن راستادى. قازىر وقيعانىڭ ءمان-جايىن انىقتاۋ ءۇشىن ارنايى كوميسسيا قۇرىلعان..
