فوتو: @erbayan2024 پاراقشاسىنان
مالىمەتكە سايكەس, ەربايان مۇحتار 26 مامىر كۇنى جاعدايىنىڭ ناشارلاۋىنا بايلانىستى ۇلتتىق شۇعىل مەديتسينانى ۇيلەستىرۋ ورتالىعىنا جەدەل تۇردە جەتكىزىلگەن.
زاڭگەر ينگا يمانباي ساربازدىڭ جاقىندارىمەن تۇراقتى بايلانىستا ەكەنىن مالىمدەدى.
ەربايان مۇحتار اۋرۋحاناعا 2023 جىلدىڭ جەلتوقسانىندا تۇسكەن ەدى. جاس سارباز قىزمەت ەتكەن ۇلتتىق ۇلان ءبولىمىنىڭ وكىلدەرى اتا-اناسىنا ونىڭ دارەتحانادا قۇلاپ, باسىن كافەلگە سوعىپ العانىن ايتقان. الايدا تۋىستارى بۇل نۇسقاعا باسىنان كۇمان كەلتىرىپ, ەرباياننىڭ جاراقاتتى سوققىدان العانىن دالەلدەۋگە تىرىسىپ كەلەدى.
2024 جىلدىڭ ماۋسىم ايىندا باس اسكەري پروكۋراتۋرا تەرگەۋ «اسكەري قىزمەتشىلەر اراسىنداعى جارعىلىق قارىم-قاتىناس قاعيدالارىن بۇزۋ» بابى بويىنشا جۇرگىزىلىپ جاتقانىن حابارلاعان بولاتىن. ال ۇلتتىق ۇلان باسشىلىعى ءىستىڭ ءىىم اسكەري-تەرگەۋ دەپارتامەنتىنىڭ باقىلاۋىندا ەكەنىن مالىمدەگەن.
باس اسكەري پروكۋروردىڭ ءبىرىنشى ورىنباسارى ماقسات قازيەۆ تەرگەۋ شەڭبەرىندە بىرقاتار ادامنىڭ تەكسەرىلىپ جاتقانىن ايتقان ەدى.
قازاقستان تۇرعىندارى ەربايان مۇحتاردىڭ ەمىنە شامامەن 230 ملن تەڭگە جيناعان. ول 2025 جىلدىڭ قاڭتار جانە قاراشا ايلارىندا تۇركيادا ەم قابىلداعان, ول قاراشادا قازاقستانعا ورالدى.
