فوتو: فوتو: t.me / mazhilis_kz (ارحيۆ)
دەپۋتاتتىڭ ايتۋىنشا, جامبىل وبلىسىنداعى فوسفور وندىرىسىنەن قالعان قالدىق كولەمى 20 ملن تونناعا جەتكەن. بۇل ماسەلە بۇعان دەيىن دە بىرنەشە رەت كوتەرىلگەنىمەن, ناقتى ناتيجە بولماي وتىر.
«بۇل قالدىقتار قالا ماڭىنداعى تۇرعىندارعا ەكولوگيالىق زيان كەلتىرىپ جاتىر. وسى ماسەلەنى شەشۋگە ەكولوگيا مينيسترلىگىنىڭ شاماسى جەتە مە؟ قولداناتىن ناقتى شارا بار ما؟», دەدى جيگۋلي دايراباەۆ.
سونداي-اق دەپۋتات اۋىل تۇرعىندارىنا قويىلاتىن ەكولوگيالىق تالاپتاردى قايتا قاراۋدى ۇسىندى. ونىڭ سوزىنشە, 20-30 ۇيدەن تۇراتىن شاعىن اۋىلداردا حالىق ءوز اۋلاسىندا 50-100 باسقا دەيىن مال ۇستاپ وتىر. الايدا قازىرگى تالاپ بويىنشا ولار ەكولوگيالىق رۇقسات الۋعا مىندەتتەلگەن.
دەپۋتات مۇنداي تالاپتاردىڭ قاراپايىم شارۋالارعا قوسىمشا كەدەرگى كەلتىرەتىنىن ايتتى.
«اۋىلداعى ادام كۇن كورۋ ءۇشىن مال ۇستايدى. بىراق قازىر قۇجات جيناپ, جارتى جىل ەكولوگيالىق رۇقسات كۇتەدى. ول جۇمىس ىستەۋگە مۇمكىندىك بەرمەيدى. ول جەردە مالدىڭ قيىنان باسقا ەشقانداي ەكولوگيالىق قاۋىپ جوق», دەدى ول.
دەپۋتات: ءدارى-دارمەككە بايلانىستى زاڭعا ماڭىزدى تۇزەتۋلەر ەنگىزىلدى
ەكولوگيا جانە تابيعي رەسۋرستار مينيسترلىگىنىڭ وكىلى بۇل ماسەلەگە قاتىستى زاڭ اياسىندا ايىپپۇل سالۋ جانە ەكولوگيالىق رۇقساتتى توقتاتۋ تەتىكتەرى بار ەكەنىن ايتتى.
ونىڭ سوزىنشە, ەگەر كاسىپورىن وزىنە جۇكتەلگەن مىندەتتەردى ورىنداماسا, تەكسەرىستەن كەيىن ايىپپۇل سالىنىپ, تالاپ ورىندالماعان جاعدايدا ەكولوگيالىق رۇقساتى توقتاتىلۋى مۇمكىن. سونىمەن قاتار اۋىل شارۋاشىلىعىنداعى نىسانداردىڭ قىزمەتى ءارتۇرلى ەكەنىن ايتىپ, ماسەلەنى ناقتى تالقىلاۋ قاجەت ەكەنىن جەتكىزدى.
«ەگەر شىنىمەن بيزنەسكە ارتىق جۇكتەمە بولىپ تۇرعانى دالەلدەنسە, ونى ەكىنشى وقىلىمعا دەيىن قاراستىرۋعا بولادى», دەدى اتالعان مينيسترلىكتىڭ وكىلى.
ال ءماجىلىس دەپۋتاتى ەدىل جاڭبىرشين زاڭ جوباسى اياسىندا قايتا وڭدەلەتىن شيكىزاتتى حالىق شارۋاشىلىعى مەن قۇرىلىس سالاسىندا پايدالانۋعا مۇمكىندىك بەرەتىن نورمالار ەنگىزىلگەنىن مالىمدەدى.
ء«بىز «ەكىنشى رەتتىك رەسۋرس» ۇعىمىن ەنگىزدىك. ەگەر قالدىق اسا قاۋىپتى بولماسا, ونى قايتا وڭدەپ, ءتۇرلى سالادا پايدالانۋعا مۇمكىندىك بولادى», دەدى ە. جاڭبىرشين.
ەسكە سالايىق, بۇعان دەيىن پلاستيكالىق وپەراتسيا كەزىندە قايتىس بولعان ءماسليحات دەپۋتاتى تۋرالى جازعانبىز.
