فوتو: انادولى
جەرگىلىكتى دەرەككوزدەردىڭ حابارلاۋىنشا, يزرايل اسكەرى گازا قالاسىنداعى ريمال اۋدانىنداعى عيماراتقا اۋەدەن سوققى جاساعان.
شابۋىل سالدارىنان ءۇش پالەستينالىق, ونىڭ ىشىندە ءبىر ايەل قازا تاپقان, 20 ادام جارالانعان.
پالەستينا بيلىگى ازىرگە شابۋىل مەن ادام شىعىنىنا قاتىستى رەسمي مالىمدەمە جاساعان جوق.
الەۋمەتتىك جەلىلەردە تاراعان بەينەجازبالاردا سوققى جاسالعان عيمارات پەن ونىڭ اينالاسىنىڭ قاتتى زاقىمدانعانى كورىنەدى.
وسى جاعدايعا بايلانىستى بينيامين نەتانياحۋ مەن يسراەل كاتس بىرلەسكەن مالىمدەمەسىندە يزرايل ارمياسىنىڭ گازا سەكتورىنا جاساعان شابۋىلىنىڭ نىساناسى حاماس-تىڭ قارۋلى قاناتى − «يزز اد-دين ءال-كاسسام بريگادالارىنىڭ» كومانديرلەرىنىڭ ءبىرى مۇحاممەد اۆدە بولعانىن مالىمدەدى. سونداي-اق شابۋىل نەتانياحۋ مەن كاتستىڭ بۇيرىعىمەن جۇزەگە اسىرىلعانى ايتىلىپ, اۆدە «قاسسام بريگادالارىنىڭ» جاڭا جەتەكشىسى ەكەنى العا تارتىلعان.
15 مامىر كۇنى يزرايل ارمياسىنىڭ گازا سەكتورىنا جاساعان شابۋىلى كەزىندە حاماس-تىڭ قارۋلى قاناتى «يزز اد-دين ءال-كاسسام بريگادالارىنىڭ» كومانديرى يزز اد-دين ءال-حادداد ايەلى جانە قىزىمەن بىرگە قازا تاپقان بولاتىن.
