فوتو: bbc.com
The Economist باسىلىمىنىڭ مالىمەتىنشە, 2030-جىلدارعا قاراي ەۋروپانىڭ بىرقاتار كوشباسشىلارى ۇلىبريتانيانىڭ ەۋرووداققا قايتا قوسىلۋى جونىندەگى جاڭا كەلىسىمگە قول قويۋى مۇمكىن. وعان سەبەپ تە جەتكىلىكتى – Brexit-تەن كەيىن ۇلىبريتانيا جالپى ىشكى ءونىمى شامامەن 4%-عا قىسقارعان. سونىمەن قاتار ساۋالناما ناتيجەسىنە سايكەس, تۇرعىنداردىڭ 58%-ى ەۋرووداقتان شىعۋدى قاتە شەشىم دەپ ساناپ, ەۋروپامەن بايلانىستى قايتا نىعايتۋدى قولدايتىنىن كورسەتكەن. وسىعان بايلانىستى ەلدە قازىرگى تاڭدا لەيبوريستەر پارتياسىنىڭ وكىلدەرى تاراپىنان «Bre-entry» يدەياسى كەڭ تالقىلانىپ جاتىر.
ساياسي باقىلاۋشىلاردىڭ پىكىرىنشە, ازىرگە ۇلىبريتانيانىڭ ەۋرووداققا قايتا قوسىلۋى جونىندە ناقتى جوسپار جوق. دەگەنمەن قورعانىس, قاۋىپسىزدىك جانە ەكونوميكا سالالارىنداعى جاڭا كەلىسىمدەر لوندوننىڭ ەۋروپامەن بايلانىسىن ارتتىرعان.
ۇلىبريتانيادا TikTok پەن YouTube جەلىلەرى جاسوسپىرىمدەر ءۇشىن قاۋىپتى دەپ تانىلدى
ماسەلەن, تاياۋدا ۇلىبريتانيا مەن پولشا قورعانىس جانە قاۋىپسىزدىك سالاسىنداعى ماڭىزدى كەلىسىمگە قول قويعان. بۇعان دەيىن بريتان بيلىگى گەرمانيا جانە فرانتسيامەن دە وسىعان ۇقساس قورعانىس كەلىسىمدەرىن جاساعان.
ەسكە سالا كەتەيىك, ۇلىبريتانيا ورمۇز بۇعازىنداعى جاعدايعا بايلانىستى رەسەي مۇنايىنا سالىنعان سانكتسيانى جەڭىلدەتكەن بولاتىن.
