فوتو: istockphoto.com
سونىمەن قاتار, مۇددەلەر تۋرالى دەكلاراتسيا تاپسىرۋ مىندەتى ەنگىزىلىپ, مۇددەلەر قاقتىعىسى تۋىنداعان جاعدايدا ناقتى ارەكەت ەتۋ ءتارتىبى بەلگىلەندى.
زاڭدا تۋىستاردىڭ ءبىر مەكەمەدە جۇمىس ىستەۋىنە قاتىستى شەكتەۋلەر دە كەڭەيتىلدى. ەندى تىكەلەي باعىنىشتىلىقپەن قاتار, جاناما ىقپال ەتۋ, كادرلىق سۇيەمەلدەۋ جانە ىشكى باقىلاۋ سياقتى جاعدايلار دا ەسكەرىلەدى.
سونداي-اق انتيكوررۋپتسيالىق شەكتەۋلەردىڭ اۋقىمى كەڭەيتىلىپ, كۆازيمەملەكەتتىك سەكتور قىزمەتكەرلەرى مەن بيۋدجەت جانە ۇلتتىق قور ەسەبىنەن قارجىلاندىرىلاتىن جوبالارعا قاتىسۋشىلار دا قامتىلدى. مەملەكەتتىك ورگاندارداعى كادرلىق پروتسەستەردى تسيفرلاندىرۋ ماقساتىندا «ە-قىزمەت» جۇيەسىن قولدانۋ ءتارتىبى بەكىتىلدى.
جەمقورلىقپەن كۇرەس: التى جىلدا 1 000-نان استام شەنەۋنىك سوتتى بولدى
ەڭ ماڭىزدى وزگەرىستەردىڭ ءبىرى – ەندى پارا بەرۋگە ۋادە ەتۋ, ۇسىنۋ نەمەسە تالاپ ەتۋ دە قىلمىستىق جاۋاپكەرشىلىككە جاتقىزىلاتىن بولدى. سونىمەن قاتار, زاڭدى تۇلعالاردىڭ جەمقورلىق قۇقىقبۇزۋشىلىقتارى ءۇشىن اكىمشىلىك جاۋاپكەرشىلىك كۇشەيتىلدى, ال اكىمشىلىك ىستەر بويىنشا ەسكىرۋ مەرزىمى 1 جىلدان 3 جىلعا دەيىن ۇزارتىلدى.
ال جەمقورلىق قىلمىس جاساعان تۇلعالارعا مەملەكەتتىك فۋنكتسيالاردى اتقاراتىن لاۋازىمدارعا ءومىر بويى جۇمىسقا تۇرۋعا تىيىم ساقتالادى.
ەسكە سالا كەتەيىك, بۇعان دەيىن ءماجىلىس سايلاۋ جۇيەسىنە قاتىستى جاڭا زاڭ قابىلداعان بولاتىن. زاڭعا سايكەس, جەمقورلىقپەن سوتتالعاندار ەندى سايلاۋ كوميسسياسىنا مۇشە بولا المايدى.
