فوتو: istockphoto
جوبا اياسىندا نەگىزگى نازار ماتەماتيكا, جاراتىلىستانۋ عىلىمدارى, جاساندى ينتەللەكت, روبوتوتەحنيكا جانە جوبالىق ءىس-ارەكەتكە اۋدارىلادى. سونداي-اق وقۋ باعدارلامالارىنا «دومبىرا», «ۇلتتىق ونەر», «ۇلتتىق سپورت» كۋرستارى جانە «ادال ازامات» بىرىڭعاي تاربيە بەرۋ باعدارلاماسى بىرىكتىرىلەدى.
وقىتۋشىلار قۇرامىنىڭ شامامەن 80 پايىزى وتاندىق مامانداردان تۇرادى. بۇل رەتتە حالىقارالىق تاجىريبەنى جانە «تالانت جانە تابىس» قورىنىڭ كاسىبي دامۋ باعدارلامالارىن پايدالانۋ كوزدەلگەن. بۇل ۇلتتىق پەداگوگيكالىق مەكتەپتى وزىق حالىقارالىق تاجىريبەلەرمەن ۇشتاستىرۋعا مۇمكىندىك بەرمەك.
الماتىدا «سيريۋس» مەكتەبى مەن ءبىلىم بەرۋ ورتالىعىنىڭ ىرگەتاسىن قالاۋ ءراسىمى ءوتتى
وسىلايشا بىرەگەي باستاما مەكتەپ وقۋشىلارىنىڭ وليمپيادالارعا, عىلىمي جوبا بايقاۋلارىنا, زەرتتەۋ جۇمىستارىنا قاتىسۋ مۇمكىندىكتەرىن كەڭەيتەدى. ول ەلدىڭ بارلىق وڭىرلەرىنەن كەلگەن بالالاردىڭ تالانتتارىن دامىتۋعا جاعداي جاسايدى جانە عىلىمي-تەحنولوگيالىق سالالاردا ەرتە كاسىبي تۇرعىدان ءوزىن ءوزى انىقتاۋعا ىقپال ەتەدى.
بۇگىندە «سيريۋس – قازاقستان» جوباسىن ەكى قالادا – الماتى جانە استانادا ىسكە اسىرۋ جوسپارلانعان. بۇل ءبىلىم بەرۋ ينفراقۇرىلىمىنىڭ جۇيەلى مودەلىن قالىپتاستىرۋعا مۇمكىندىك بەرەدى.
