جوبانى «اقىلى اۆتوموبيل جولدارىنىڭ ديرەكتسياسى» فيليالى جۇزەگە اسىرىپ جاتىر. جۇمىستار رەسپۋبليكالىق ماڭىزى بار 22 ۋچاسكەدە جۇرگىزىلۋدە. ولاردىڭ قاتارىندا استانا – ششۋچينسك, الماتى – قورعاس, شىمكەنت – تاراز, ورال – رەسەي فەدەراتسياسىنىڭ شەكاراسى سياقتى ستراتەگيالىق ماڭىزدى باعىتتار بار.
جاڭا تەحنولوگيا ەڭ الدىمەن كورىنۋ ناشارلاعان جاعدايدا جانە تۇنگى ۋاقىتتا قاۋىپسىزدىكتى ارتتىرۋعا باعىتتالعان. ءدال وسى كەزدە ادام فاكتورىنىڭ ءرولى كۇشەيىپ, اپات قاۋپى ارتا تۇسەدى.
ەلدەگى اقىلى جولداردا تولەم مەرزىمدەرى وزگەردى: جۇرگىزۋشىلەر نەنى ەسكەرۋى كەرەك؟
لازەرلىك قوندىرعىلار جۇرگىزۋشىنىڭ كوز الدىنان انىق جارىق سىزىقتارىن پروەكتسيالاپ, جول بويىندا ناقتى ۆيزۋالدى باعىت بەرەدى. بۇل جۇيە بىرنەشە ماڭىزدى ارتىقشىلىققا يە:
• كولىك جىلدامدىعىن جانە قوزعالىس تراەكتورياسىن دەر كەزىندە تۇزەتۋگە كومەكتەسەدى;
• ۇزاق ءارى بىركەلكى جول ۋچاسكەلەرىندە جۇرگىزۋشىنىڭ ۇيىقتاپ كەتۋ قاۋپىن ازايتادى;
• زەيىندى ارتتىرادى جانە جول جاعدايىن جاقسىراق باقىلاۋعا مۇمكىندىك بەرەدى;
• جولداعى كورىنىستى قابىلداۋدى جاقسارتادى.
بۇل جۇيە اسىرەسە ۇزاق تراسسالاردا ءتيىمدى, سەبەبى مۇنداي جەرلەردە ءداستۇرلى جول بەلگىلەرى مەن تاڭبالار كەيدە جەتكىلىكتى دەڭگەيدە كورىنبەۋى مۇمكىن.
حالىقارالىق تاجىريبە مۇنداي تەحنولوگيالاردىڭ ءتيىمدى ەكەنىن كورسەتىپ وتىر. شەتەلدىك پيلوتتىق جوبالارعا سايكەس, لازەرلىك سيگنالدارعا جۇرگىزۋشىلەردىڭ رەاكتسياسى ءداستۇرلى بەلگىلەرگە قاراعاندا الدەقايدا جىلدام. ال كەيبىر ۋچاسكەلەردە جول-كولىك وقيعالارىنىڭ سانى 40-50 پايىزعا دەيىن ازايعان.
قازاقستانداعى اقىلى جول پايدالانۋشىلارى دا جاڭا جۇيەگە وڭ باعاسىن بەردى. كولىك جۇرگىزۋشىلەرى تۇنگى ۋاقىتتا جولدى باعدارلاۋ جەڭىلدەگەنىن, قوزعالىس قاۋىپسىزدىگى ارتقانىن جانە جالپى جۇرگىزۋ ىڭعايلىلىعى جاقسارعانىن اتاپ ءوتتى.
«قازاۆتوجول» ۇلتتىق كومپانياسى ينتەللەكتۋالدى كولىك ينفراقۇرىلىمىن دامىتۋعا باسىمدىق بەرىپ وتىر. لازەرلىك جۇيەلەردى ەنگىزۋ – تەك تەحنولوگيالىق جاڭالىق قانا ەمەس, سونىمەن قاتار ادام ءومىرىن ساقتاۋعا قوسىلعان ماڭىزدى ۇلەس جانە زاماناۋي قاۋىپسىز جۇرگىزۋ مادەنيەتىن قالىپتاستىرۋعا باعىتتالعان قادام.
