جيىندا ساۋدا جەلىلەرىندە يمپورت ۇلەسىنىڭ ارتۋى, رەتروبونۋستار مەن قوسىمشا قىزمەتتەر ءۇشىن تولەمدەردىڭ كوبەيۋى, سونداي-اق «كولەڭكەلى» يمپورتتىڭ كۇشەيۋى ىشكى نارىققا كەرى اسەر ەتىپ وتىرعانى ايتىلدى. قاتىسۋشىلار قابىلدانىپ جاتقان شارالار سالانىڭ قازىرگى سىن-قاتەرلەرىنە تولىق جاۋاپ بەرمەيتىنىن جەتكىزدى.
اوك كەڭەسىنىڭ توراعاسى, ءماجىلىس دەپۋتاتى نۇرجان اشىمبەتوۆ وتاندىق وندىرۋشىلەردى قورعاۋ مەملەكەتتىك ساياساتتىڭ باسىمدىعىنا اينالۋى قاجەت ەكەنىن ايتتى. ونىڭ ويىنشا, سوڭعى جىلدارى سالالىق وداقتار يمپورتتىق ونىمدەردىڭ ۇلەسى ارتىپ كەلە جاتقانىن كوتەرىپ ءجۇر. ءىرى ساۋدا جەلىلەرىنە مارجاسى جوعارى تاۋارلاردى وتكىزۋ ءتيىمدى بولعاندىقتان, كورشى ەلدەردە سۋبسيديالاناتىن ونىمدەر ىشكى نارىققا بەلسەندى ەنىپ جاتىر. بۇل جاعداي ءادىل باسەكەنى السىرەتىپ, ەلدىڭ ازىق-ت ۇلىك قاۋىپسىزدىگىنە اسەر ەتۋى مۇمكىن. دەپۋتات وندىرۋشىلەر كوتەرگەن ماسەلەلەر پارلامەنت دەڭگەيىندە قارالاتىنىن جەتكىزدى.
قارا التىن مەن قۇبىلمالى نارىق: الەمدىك ەكونوميكا قاي باعىتقا بەت الدى؟
جەرگىلىكتى كاسىپورىندار ساۋدا جەلىلەرىنىڭ ءونىمدى سورەگە ورنالاستىرۋ ءۇشىن ءتۇرلى تولەمدەر تالاپ ەتەتىنىن ايتىپ وتىر. باسەكەلەستىكتى قورعاۋ جانە دامىتۋ اگەنتتىگىنىڭ مالىمەتىنشە, بىرقاتار ساۋدا جەلىلەرىنىڭ تابىسىنىڭ ەلەۋلى بولىگى وندىرۋشىلەرگە جۇكتەلگەن قوسىمشا قىزمەتتەر ەسەبىنەن قالىپتاسادى. بۇل ءوندىرىس كولەمىنىڭ قىسقارۋىنا جانە ينۆەستيتسيالىق مۇمكىندىكتىڭ شەكتەلۋىنە ىقپال ەتۋى ىقتيمال.
سالالىق وداقتار اليانسى وكىلدەرىنىڭ پىكىرىنشە, كورشى ەلدەردەن كەلەتىن جەتكىزۋشىلەر ىشكى نارىقتى يگەرۋ ءۇشىن دەمپينگ تاسىلدەرىن قولدانادى. سونىڭ سالدارىنان وتاندىق ءونىمنىڭ باسەكەگە قابىلەتى تومەندەيدى. اليانس ساۋدا جەلىلەرى تابىسىن اشىق ساۋدا ۇستەمەسى ارقىلى قالىپتاستىراتىن تەڭگەرىمدى مودەل قاجەت ەكەنىن العا تارتتى.
Made in Kazakhstan: وتاندىق تاۋارلاردى شەتەل نارىعىنا ۇسىناتىن پلاتفورما ىسكە قوسىلدى
جيىندا «كولەڭكەلى» يمپورتتىڭ ۇلعايۋى دا الاڭداۋشىلىق تۋعىزاتىنى ايتىلدى. ماماندار شەكاراداعى باقىلاۋ تەتىكتەرىن جەتىلدىرۋ, ۆەدومستۆولار اراسىنداعى ۇيلەستىرۋدى كۇشەيتۋ قاجەتتىگىن اتاپ ءوتتى.
قاتىسۋشىلار حالىقارالىق تاجىريبە جەرگىلىكتى وندىرۋشىلەردى جۇيەلى قولداۋ ىشكى نارىقتىڭ تۇراقتىلىعىن قامتاماسىز ەتەتىنىن كورسەتەتىنىن ايتتى. وتاندىق كاسىپورىنداردى قولداۋ ەكونوميكالىق ساياساتتىڭ باسىم باعىتىنا اينالىپ, ازىق-ت ۇلىك قاۋىپسىزدىگىن نىعايتۋعا قىزمەت ەتۋگە ءتيىس.
