فوتو: قورعانىس مينيسترلىگى
ءوتىنىم بەرۋ ءۇشىن سايتقا كىرىپ, قىزمەت شارتتارىمەن تانىسىپ, ءتيىستى فورمانى تولتىرۋ جەتكىلىكتى. جۇيە ۇمىتكەردى بارلىق كەزەڭ بويىنشا اۆتوماتتى تۇردە باعىتتايدى. الدىمەن قابىلدانعان ءوتىنىم مۇقيات تەكسەرىلەدى, سودان كەيىن اسكەري كوميسسارياتقا مەديتسينالىق تەكسەرۋدەن ءوتۋ ءۇشىن شاقىرۋ كەلەدى. كەيىن اسكەري ءبولىم وكىلدەرىمەن اڭگىمەلەسۋ وتكىزىلىپ, قابىلداۋ نەمەسە باس تارتۋ تۋرالى شەشىم شىعارىلادى. بارلىق كەزەڭ اشىق ءارى تۇسىنىكتى, قاجەتتى قۇجاتتار ءتىزىمى سايتتا كورسەتىلگەن.
شوپاندار مەن باقتاشىلاردىڭ بالالارىن اسكەرگە شاقىرۋ كەيىنگە قالدىرىلۋى مۇمكىن
SARBAZ+ جوباسىنىڭ باستى ەرەكشەلىگى – جاستارعا زاماناۋي داعدىلاردى ۇيرەتۋ. قىزمەت بارىسىندا ساربازدار تەك وقۋ-جاۋىنگەرلىك تاپسىرمالاردى ورىنداپ قانا قويماي, سۇرانىسقا يە ماماندىقتاردى مەڭگەرەدى. جوبا وزەكتى باعىتتار بويىنشا مامان دايارلاۋعا باسىمدىق بەرەدى.
Rtel وقۋ سىنىپتارىندا اسكەري قىزمەتشىلەر راديوبايلانىستى مەڭگەرەدى, Ashik Aspan باعدارلاماسى ارقىلى درونداردى باسقارۋدى ۇيرەنەدى. بۇدان بولەك, Eltex جۇيەلەرىمەن جۇمىس ىستەۋگە بەيىمدەلەدى, كيبەرقاۋىپسىزدىك جانە دەرەكتەردى قورعاۋ نەگىزدەرىن وقيدى, جاساندى ينتەللەكت ەلەمەنتتەرىمەن تانىسادى جانە تسيفرلىق پلاتفورمالار ارقىلى اعىلشىن ءتىلىن جەتىلدىرەدى.
اسكەري بولىمدە قىزمەت ەتۋگە قولايلى جاعدايلار جاسالعان – سپورت الاڭدارى, جاتتىعۋ زالدارى, بەلسەندى دەمالىس ايماقتارى جانە ەلەكتروندى تير جۇمىس ىستەيدى. سونداي-اق, بەينەاناليتيكا جۇيەسى, «اي-سۇلۋ» بوتى جانە ARMIA.KZ پلاتفورماسى سياقتى قولداۋ سەرۆيستەرى قىزمەت كورسەتەدى.
جوبانىڭ تانىمالدىعى جوعارى – قازىرگى تاڭدا 268 ءوتىنىم بەرىلىپ, ودان شامامەن 90 ءوتىنىم ىرىكتەلدى. 1 ورىنعا شامامەن 3 ادامنان ءوتىنىم تۇسەدى. ورىن سانى شەكتەۋلى بولعاندىقتان, بارلىق ۇمىتكەر قابىلدانبايدى.
SARBAZ+ جوباسى الداعى ۋاقىتتا باسقا اسكەري بولىمدەرگە دە ەنگىزىلۋى جوسپارلانىپ جاتىر. قازىرگى اسكەرگە شاقىرۋ كەزەڭىندە ەڭ قولجەتىمدى ءارى ىڭعايلى ءتاسىل – ونلاين ءوتىنىم بەرۋ بولىپ وتىر.
ەلىمىزدىڭ قورعانىس سالاسىندا قانداي تسيفرلىق شەشىمدەر ەنگىزىلگەن؟
