قامكوڭىل جاندار قامقورلىقسىز قالمايدى

وبلىستىق جۇمىسپەن قامتۋدى ۇيلەستىرۋ جانە الەۋمەتتىك باع­دار­­لامالار باسقارماسىنىڭ دەرە­گىنە قاراعاندا, وتكەن جىلى الەۋ­مەتتىك قىزمەتتەر پورتالى ارقىلى 24 789 مۇگەدەكتىگى بار ادامدار تەحنيكالىق وڭالتۋ قۇرال­دارىمەن, الەۋمەتتىك قىز­مەتتەرمەن قامتاماسىز ەتى­لىپتى. 3 329 ادامعا پروتەزدىك-ورتوپەديالىق, 536 مۇم­كىن­دىگى شەكتەۋلى جانعا سۋردو­لو­گيالىق كومەك بەرىلىپتى. تيفلو­تەح­ني­كا­لىق قۇرالدارمەن 1 409, ارناۋلى ءجۇرىپ-تۇرۋ قىزمەتىمەن 746 ادام قامتىلعان. ساناتوري-كۋ­رورتتىق ەمدەلۋگە 6 153 جىبە­رىل­گەن. 1 045 مۇگەدەك جەكە كومەك­شىنىڭ, 213 ادام ىمداۋ ءتىلى ما­ما­نى­­نىڭ قىزمەتىن العان.

مەملەكەتتىك الەۋمەتتىك تاپسىرىس اياسىندا مۇگەدەكتەردى تاسىمالدايتىن 156 ينۆاتاكسي بار. ونىڭ ىشىندە 10 كولىك قانا ارنايى جابدىقتالعان. بىلتىر 156 ينۆاتاكسيمەن 4 175 قوزعالۋدا قيىندىعى بار مۇگەدەكتەرگە 328 721 تاسىمال جاسالىپتى.

دەگەنمەن مۇگەدەكتەردىڭ مۇ­ڭىنا ءاتۇستى قارايتىندار بار. اي­تالىق, جىلىوي اۋدان­دىق پروكۋراتۋراسىنىڭ قىزمەت­كەر­لەرى ينۆاتاكسي قىزمەتىن ۇيىم­داس­تىرۋعا قاتىستى ورەسكەل زاڭ بۇزۋ­شىلىقتاردى انىقتادى. اۋداننىڭ ءبىرىنشى, ەكىنشى توپ­تاعى مۇگەدەكتەرى قوزعالىس كەزىن­دە, ديسپەتچەرلەرمەن بايلانىس ور­نا­تۋدا نەگىزسىز شەكتەۋلەرگە تاپ بولعان.

«پروكۋراتۋرا قىزمەتكەرلەرى مۇمكىندىگى شەكتەۋلى ازاماتتاردىڭ كونستيتۋتسيالىق قۇقىعىنىڭ ساقتا­لۋىنا تالداۋ جۇرگىزدى. تال­داۋ بارىسىندا جەرگىلىكتى ينۆا­تاكسي قىزمەتى اۋىلدىق وك­رۋگ­تەر مەن ەلدى مەكەندەرگە كورسەتىلمەگەنى, ديسپەتچەرلىك قىز­مەت­تىڭ جۇمىسى ءتيىستى تۇر­دە ۇيىم­داستىرىلماعانى انىق­تال­دى. ناتيجەسىندە, جىلى­وي اۋدانىندا تۇراتىن 156 تۇر­عىننىڭ قۇقىعى تولىقتاي قال­پىنا كەلتىرىلدى. مۇگەدەك­تەر­دىڭ قۇقىعىن بۇزىپ, ءوز مىندەتىن تيىسىنشە ورىنداماعانى ءۇشىن ءۇش لاۋازىمدى قىزمەتكەر تارتىپتىك جاۋاپكەرشىلىككە تارتىلدى», دەپ حابارلادى وبلىستىق پرو­كۋ­راتۋرانىڭ ءباسپاسوز قىز­مەتى.

يندەر اۋدانىنىڭ پروكۋراتۋراسى دا وسىنداي كەمشىلىكتى انىقتاپ وتىر. اتالعان اۋداندا دا ارنايى الەۋمەتتىك قىزمەتتەر كورسەتۋ, مۇمكىندىگى شەكتەۋلى جانداردىڭ ينفراقۇرىلىمعا, كولىك نىساندارىنا قولجەتىم­دى­لى­گىن قامتاماسىز ەتۋ سالاسىندا ەلەۋلى بۇزۋشىلىقتار كەزدەسەدى.

«تەكسەرۋ كورسەتكەندەي, مەم­لەكەتتىك قولداۋ كوبىنەسە رەس­مي تۇردە جۇزەگە اسىرىلادى. قادا­عالاۋ ورگانى كۇندىزگى بولىم­شە جۇمىس ىستەيتىن جارتىلاي ستاتسيونارلىق ۇلگىدەگى ۇيىمدا الەۋمەتتىك كودەكستىڭ تالاپتارى بۇزىلعانىن انىقتادى. ورەس­كەل جاعداي – بالالاردى قولداۋعا ارنالعان بەيىندى ۇيىم­دا بىردە-ءبىر قامقورشى جوق», دەپ ءمالىم ەتتى وبلىستىق پروكۋراتۋرادان.

اۋداندا مۇمكىندىگى شەكتەۋلى بالا­لارعا مۇلدە قىزمەت كورسەتىل­مەگەن. جاۋاپتى ادامدار مۇنى عيماراتتىڭ جوقتىعىمەن تۇسىن­دى­رەدى.

«شەنەۋنىكتەر تەك قاعاز تولتىرۋمەن اينالىسىپ, بالالار قا­جەتتى وڭالتۋ مەن كومەكسىز قال­­عان. يندەربور كەنتىنىڭ ينف­را­­قۇرىلىمىن تەكسەرۋ ناتي­جەلەرى ودان دا سوراقى بولدى. پروكۋراتۋرا مۇمكىندىگى شەك­تەۋلى جاندارعا جەكەلەگەن نىسان­داردىڭ قولجەتىمسىز ەكەنىن انىق­تادى. تەكسەرۋ ناتيجەلەرى بويىن­شا بۇزۋشىلىقتار جويىلدى. يندەربور كەنتىنىڭ اكىمى مەن ۇيىم باسشىسى اكىمشىلىك, اۋدان اكىمىنىڭ اتالعان سالاعا جەتەكشىلىك ەتەتىن ورىنباسارى مەن الەۋمەتتىك باعدارلامالار ءبو­لى­مىنىڭ باستىعى تارتىپتىك جاۋاپ­كەرشىلىككە تارتىلدى. وسىلايشا, 19 مۇمكىندىگى شەك­تەۋلى بالانىڭ قۇقىعى قورعال­دى», دەپ اقپارات بەردى پروكۋراتۋرادان.

تەگىندە مۇمكىندىگى شەكتەۋلى جان­دار دا – قوعامنىڭ بەلدى مۇ­شەسى. بۇقارانىڭ بۇل توبىن­دا­عىلار دا وزگەلەر سەكىلدى لايىقتى قىزمەت العىسى كەلەدى. الايدا قولىندا بيلىگى بار شەنەۋنىكتەر مۇگەدەكتەردى شەتتەتۋگە بولمايتىنىن ەسكەرە بەرمەيدى. اسىرەسە كامەلەتكە تولماعان مۇمكىندىگى شەك­تەۋلى جاسوسپىرىمدەر قامقور­لىق­سىز قالماۋعا ءتيىس.

اتىراۋ وبلىسى