تەحنولوگيالىق ترانسفورماتسيانىڭ العاشقى كەزەڭى قازىردىڭ وزىندە اياقتالدى. ۆەدومستۆو جىلىتۋ ماۋسىمىنا دايىندىقتى باقىلاۋدىڭ تسيفرلىق قۇرالدارىن ەنگىزىپ, ەلەكتر ستانتسيالارى ءۇشىن تاريفتەردى بەكىتۋ پروتسەسىن تولىق اۆتوماتتاندىردى. مۇناي مەن سۇيىتىلعان گازدى ءبولۋ ەلەكتروندىق فورماتقا كوشىرىلدى. بۇل «ادامي فاكتوردى» جويىپ, نارىق قاتىسۋشىلارى ءۇشىن رەسۋرستارعا ءادىل قولجەتىمدىلىكتى قامتاماسىز ەتتى.
تسيفرلاندىرۋ جانە جاساندى ينتەللەكت جىلى اياسىندا مينيسترلىك سالانىڭ ۆيرتۋالدى ارحيتەكتۋراسىن قۇرۋدى ىسكە قوسىپ جاتىر. نەگىزگى جاڭاشىلدىقتاردىڭ ءبىرى – ەلەكتر ەنەرگياسىن ءوندىرۋ جانە مۇناي-گاز سەكتورىنداعى ستراتەگيالىق نىساندار ءۇشىن «تسيفرلىق ەگىزدەر» تەحنولوگياسىن ەنگىزۋ. زياتكەرلىك الگوريتمدەردى پايدالانۋ جابدىقتاردىڭ توزۋىن ونلاين رەجيمدە تالداۋعا مۇمكىندىك بەرىپ, اپاتتاردىڭ سالدارىن جويۋ تاجىريبەسىنەن ولاردى الدىن الا بولجاۋ جانە بولدىرماۋ جۇيەسىنە كوشۋگە جول اشادى.
سونىمەن قاتار كومىرسۋتەكتەردىڭ تولىق تسيفرلىق قاداعالاۋ جۇيەسى ەنگىزىلەدى. ءاربىر توننا شيكىزات پەن وتىننىڭ قوزعالىسى مۇناي ۇڭعىماسىنان باستاپ سوڭعى تۇتىنۋشىنىڭ جانارماي باگىنا دەيىنگى بارلىق كەزەڭدەردە تسيفرلانادى. بۇل شارا جەتكىزىلىمدەردىڭ تولىق اشىقتىعىن قامتاماسىز ەتىپ, جانار-جاعارماي نارىعىنداعى كەز كەلگەن كولەڭكەلى اينالىمدى تەحنيكالىق تۇرعىدان مۇمكىن ەمەس ەتەدى.
Digital Qazaqstan Battle ۇلتتىق ستارتاپ-باتلىنىڭ فيناليستەرى انىقتالدى
ۇزاق مەرزىمدى جوسپارلاۋ ءۇشىن وەك-ءتى دامىتۋدىڭ ينتەگراتسيالانعان ماستەر-جوسپارى ازىرلەنىپ جاتىر. ونىڭ نەگىزىنە ەنەرگيا تۇتىنۋدىڭ ءوسۋىن ءدال بولجاۋعا, ەكونوميكانىڭ ءارتۇرلى سەكتورلارىنىڭ جۇمىسىن ۇيلەستىرۋگە جانە ينۆەستيتسيالىق تاۋەكەلدەردى باعالاۋعا مۇمكىندىك بەرەتىن تسيفرلىق ماتەماتيكالىق مودەلدەر ەنگىزىلەدى.
بۇل اۋقىمدى ترانسفورماتسيا ونەركاسىپتىك قاۋىپسىزدىكتىڭ جوعارى دەڭگەيىن قامتاماسىز ەتىپ, ەنەرگەتيكالىق جۇيەنىڭ تۇراقتى جۇمىسىن جانە قازاقستاننىڭ ينۆەستيتسيالىق تارتىمدىلىعىن ارتتىرۋعا مۇمكىندىك بەرەدى.
Digital Qazaqstan: تەحنولوگيالىق دەربەستىك پەن تسيفرلىق ورلەۋ جولى
