فوتو: الەكساندر جابچۋك
پرەزيدەنت بۇل شارۋا كوممۋنالدىق, ەنەرگەتيكالىق جانە سۋ سالاسىنداعى ينفراقۇرىلىمدى جاڭعىرتۋ جۇمىسىمەن قاتار ءجۇرۋى ءتيىس ەكەنىن اتاپ ءوتتى.
توقاەۆ: ءماسليحاتتاردىڭ وكىلەتتىگىن ودان ءارى كەڭەيتىپ, ناقتىلاي ءتۇسۋ قاجەت
«مىسالى, بىلتىر 1500 شاقىرىم تەمىر جول سالىنىپ, جوندەۋدەن ءوتتى. بۇل دا – رەكوردتىق كورسەتكىش. بيىل 3700 شاقىرىمنان استام جاڭا تەمىرجول جەلىلەرى توسەلىپ, پايدالانۋعا بەرىلەدى. قازىرگى تاڭدا جولاۋشىلار ءۇشىن جاڭا باعىتتار اشىلىپ, ۆاگوندار پاركى جاڭارتىلىپ جاتىر. سونداي-اق ۆوكزالدار قايتا جوندەۋدەن وتۋدە. سەبەبى ولار ورتاشا ەسەپپەن العاندا 60 جىلدان بەرى جۇمىس ىستەپ تۇر. ءتىپتى, ەلىمىزدەگى ون ۆوكزال وسىدان ءبىر عاسىر بۇرىن سالىنعان. جالپى, ءبىز بىلتىر قازاقستانداعى 124 ۆوكزالدى تۇگەل جاڭعىرتا باستادىق. بۇل جۇمىس وسى جىلدىڭ سوڭىنا دەيىن اياقتالادى. مۇنداي اۋقىمدى باستاما العاش رەت قولعا الىندى. الدىڭعى جىلى كوپتەن كۇتكەن استانا – الماتى كۇرە جولىن جوندەۋ جۇمىستارى تولىق ءبىتتى. مەن بۇعان دەيىن استانانى ەلىمىزدىڭ باتىس ايماقتارىمەن بايلانىستىراتىن مۇلدە جاڭا اۆتوكولىك جولىن سالۋدى تاپسىردىم. قازىر بۇل باعىتتا ناقتى جۇمىس جۇرگىزىلىپ جاتىر», دەدى مەملەكەت باسشىسى.
پرەزيدەنت كەڭ جولاقتى جولدارمەن قاتار جەرگىلىكتى جولدار دا نازاردان تىس قالمايتىنىن جەتكىزدى.
«سەبەبى ميلليونداعان ازاماتىمىز, سونىڭ ىشىندە اۋىلداعى اعايىن ءۇشىن اۆتوكولىك جولى, شىن مانىندە, ء«ومىر جولى» سانالادى. ساپالى جول بولسا, جۇرت تۇرمىس-تىرشىلىگىن جاقسارتىپ, بيزنەسىن دامىتا الادى. بىلتىر جالپى ۇزىندىعى 13 مىڭ, ونىڭ ىشىندە جەرگىلىكتى ماڭىزى بار 3 مىڭ شاقىرىم تاسجول جوندەۋدەن ءوتتى. بيىل تاعى 2300 شاقىرىمعا سوزىلاتىن جەرگىلىكتى جولدار جاڭعىرتىلادى. الداعى ءۇش جىلدىڭ ىشىندە وسىنداي 32 مىڭ شاقىرىم جول نورماتيۆتىك تالاپقا ساي جوندەلەدى. بۇل – قازاقستاننىڭ قۇرلىق شەكاراسىنان ءۇش ەسە كوپ قاشىقتىق. الايدا ۇكىمەت جانە ءتيىستى مەملەكەتتىك مەكەمەلەر جول ينفراقۇرىلىمىنىڭ ساپاسىنا ەرەكشە ءمان بەرۋگە ءتيىس», دەدى پرەزيدەنت.
مەملەكەت باسشىسى: ايماقتاردا ماجوريتارلىق, ياعني ءبىر مانداتتى جۇيە ساقتالادى
