فوتو: قتج
10-12 ناۋرىز ارالىعىندا 7 پويىز ارقىلى 390 جولاۋشى قاۋىپسىز ورىنعا جەتكىزىلدى.
10 ناۋرىز كۇنى استانا – پاۆلودار ۋچاسكەسىندە جولاۋشىلاردى №353 «سەمەي – نۇرلى جول» پويىزىنا وتىرعىزۋ ۇيىمداستىرىلدى. پاۆلودار, ەكىباستۇز, شىدەرتى جانە ەرەيمەنتاۋ ستانتسيالارىنان نۇرلى جول ستانتسياسىنا دەيىن 44 جولاۋشى جەتكىزىلدى.
11-12 ناۋرىز كۇندەرى اقتوبە – اتىراۋ ۋچاسكەسىندە بىرنەشە پويىز باعىتى ارقىلى جولاۋشىلار تاسىمالداندى:
№692 «اقتوبە – اتىراۋ» پويىزى اقتوبە ستانتسياسىنان قاندىاعاش, العا جانە بەستاماق ستانتسيالارىنا دەيىن 73 جولاۋشى تاسىمالدانعان.
№109 «ماڭعىستاۋ – اقتوبە» پويىزى العا, بەستاماق ستانتسيالارىنان اقتوبە ستانتسياسىنا دەيىن 13 جولاۋشى جەتكىزىلگەن.
№110 «اقتوبە – ماڭعىستاۋ» پويىزى اقتوبە ستانتسياسىنان العا جانە بەستاماق ستانتسيالارىنا دەيىن 117 جولاۋشىنى تاسىمالدادى.
№34 «اقتوبە – الماتى» پويىزى اقتوبە ستانتسياسىنان العا جانە قاندىاعاش ستانتسيالارىنا دەيىن 44 جولاۋشى جەتكىزىلگەن.
№691 «اتىراۋ – اقتوبە» پويىزى قاراۋىلكەلدى, شۇبارقۇدىق, العا, بەستاماق ستانتسيالارىنان اقتوبە ستانتسياسىنا دەيىن 35 جولاۋشى تاسىمالداندى.
سونداي-اق, پاۆلودار – استانا ۋچاسكەسىندە جولاۋشىلاردى تاسىمالداۋ №139 «پاۆلودار – پرەسنوگوركوۆسكايا» پويىزىمەن جۇزەگە اسىرىلعان. شىدەرتى, ەرەيمەنتاۋ, ەركەنشىلىك ستانتسيالارىنان استانا ستانتسياسىنا دەيىن 64 جولاۋشى جەتكىزىلگەن.
قتج كومپانياسىنىڭ مالىمەتىنشە, 2026 جىلعى قىسقى ماۋسىم باستالعالى قولايسىز اۋا رايىنا بايلانىستى پويىزدارمەن شامامەن 2 مىڭعا جۋىق جولاۋشى تاسىمالدانعان.
