وقيعا • بۇگىن, 10:33

سەمەيدەگى ورتتەن زارداپ شەككەندەردىڭ جاعدايى قالاي؟

10 رەت
كورسەتىلدى
1 مين
وقۋ ءۇشىن

سەمەي قالاسىندا 3 ناۋرىز كۇنى كەشكى ۋاقىتتا بالالار ويىن-ساۋىق ورتالىعىندا تۇتانعان ءورت 3 100 شارشى مەتر اۋماقتى شارپىعان, دەپ حابارلايدى Egemen.kz.

سەمەيدەگى ورتتەن زارداپ شەككەندەردىڭ جاعدايى قالاي؟

فوتو: تجم

وبلىستىق دەنساۋلىق ساقتاۋ باسقارماسىنىڭ 4 ناۋرىز تاڭعى ساعات 06:00-دەگى دەرەگىنە سۇيەنسەك, مەديتسينالىق كومەككە 11 ادام جۇگىنگەن, ونىڭ 4-ءى – بالالار.ء بىر بالا سەمەي مەديتسينالىق ۋنيۆەرسيتەتىنىڭ بالالار بولىمىنە جاتقىزىلىپ, قالعان ۇشەۋى امبۋلاتورلىق ەم الۋعا جىبەرىلگەن. تاعى 7 ەرەسەك ادامنىڭ 4-ءى اۋرۋحاناعا جاتقىزىلسا, قالعان 2-ىنە وقيعا ورنىندا كومەك كورسەتىلگەن. تاعى 1 ادام تەكسەرىلۋدەن باس تارتقان.
توتەنشە جاعدايلار دەپارتامەنتىنىڭ مالىمەتىنشە, ويىن ايماعىنان باستالعان ءورت عيمارات ىشىندەگى تەز جانعىش ماتەريالداردىڭ اسەرىنەن قاس-قاعىمدا ءورشىپ كەتكەن. قويۋ ءتۇتىن مەن لاۋلاعان جالىن قۇتقارۋشىلاردىڭ جۇمىسىن قيىنداتقانىمەن, ءورت ساعات 22:08-دە تولىقتاي سوندىرىلگەن. اكىمشىلىك وكىلدەرىنىڭ ايتۋىنشا, كەلۋشىلەر مەن قىزمەتكەرلەر دەر كەزىندە ءوز بەتىنشە ەۆاكۋاتسيالانىپ ۇلگەرگەن.
پوليتسيا دەپارتامەنتى بۇل وقيعا بويىنشا ءتيىستى ساراپتامالار تاعايىندالعانىن جانە ءورتتىڭ شىعۋ سەبەبى مەن وعان قاتىسى بار تۇلعالاردىڭ انىقتالىپ جاتقانىن حابارلادى.
سوڭعى جاڭالىقتار