فەستيۆال وبلىستىق تۋريزم باسقارماسى, «Visit Zhetysu» تۋريستىك اقپاراتتىق ورتالىعى جانە سارقان اۋدانى اكىمدىگىنىڭ قولداۋىمەن ۇيىمداستىرىلدى. نەگىزگى ماقسات – بالقاشتى تەك جازعى دەمالىس ورنى ەمەس, جىل بويى كەلۋگە بولاتىن تۋريستىك باعىت رەتىندە تانىتۋ جانە قىسقى تۋريزم الەۋەتىن ارتتىرۋ. سونىمەن قاتار ەكولوگيالىق مادەنيەتتى قالىپتاستىرۋ ماسەلەسىنە دە باسىمدىق بەرىلدى.
قاتىسۋشىلار مۇز ۇستىندە ءتورت ساعات بويى بالىق اۋلاپ, ارنايى شاتىرلار, قۇرال-جابدىقتار جانە جىلى ورىندارمەن قامتاماسىز ەتىلدى. فەستيۆال قورىتىندىسىندا «بالقاش ولجاسى», «التىن ولجا», «مۇز پاتشاسى» نوميناتسيالارى بويىنشا جەڭىمپازدار ماراپاتتالدى.
الماتىلىق قاتىسۋشى اسەل قۇباشەۆا فەستيۆالدىڭ جوعارى دەڭگەيدە ۇيىمداستىرىلعانىن اتاپ وتسە, ۇندىستاندىق ترەۆەل-بلوگەر شاح حۋسايب بالقاشتىڭ قىسقى كەلبەتى ەرەكشە اسەر قالدىرعانىن جەتكىزدى.
ۇيىمداستىرۋشىلاردىڭ ايتۋىنشا, بۇل باستاما جەتىسۋ ءوڭىرىنىڭ تۋريستىك برەندينگىن قالىپتاستىرۋعا جانە جاڭا باعىتتاردى دامىتۋعا سەرپىن بەرەدى.
