فوتو: istockphoto.com
رەيتينگ 17 مىڭعا جۋىق ادامنىڭ قاتىسۋىمەن وتكەن اۋقىمدى ساۋالناما نەگىزىندە جاسالعان. قاتىسۋشىلار ەلدەردى جەتى نەگىزگى كريتەري بويىنشا باعالادى: ءومىر ءسۇرۋ قۇنى, سالىق جۇيەسى, حالىقتىڭ مەيىرىمدىلىگى, جايلىلىق, كليمات, مەنشىك قۇقىعىن قورعاۋ جانە مەديتسينا ساپاسى.
جالپى تىزىمدەگى 89 مەملەكەتتىڭ ىشىندە قازاقستان 77-ورىنعا تۇراقتادى. بۇل كورسەتكىش بويىنشا ەلىمىز كورشىلەس مەملەكەتتەردەن ايتارلىقتاي الدا:
- ازەربايجان – 81-ورىن;
- وزبەكستان – 84-ورىن;
- ۋكراينا – 85-ورىن;
- بەلارۋس – 87-ورىن;
- رەسەي – 89-ورىن (سوڭعى ورىنداردىڭ ءبىرى).
الەمدىك كوشباسشىلار قاتارىندا شۆەيتساريا, جاڭا زەلانديا جانە پورتۋگاليا تۇر. ايتا كەتەرلىك جايت, گاننا (75-ورىن) مەن گوندۋراس (63-ورىن) سياقتى ەلدەر قازاقستاننان ءبىرشاما جوعارى ساتىعا جايعاسقان.
بىرىڭعاي جيناقتاۋشى زەينەتاقى قورىنىڭ (بجزق) مالىمەتتەرىنە سۇيەنسەك, ەلىمىزدە زەينەتاقى الۋشىلاردىڭ سانى 1,52 ملن-عا جەتكەن.
