فوتو: YonhapNews
Yonhap اگەنتتىگىنىڭ مالىمەتىنشە, يۋن سوك ەل «ب ۇلىككە باسشىلىق جاسادى» دەپ ايىپتالعان. ۇكىمدە كورسەتىلگەندەي, ەكس-پرەزيدەنتتىڭ ارەكەتى زاڭ شىعارۋشى ورگاننىڭ جۇمىسىنا كەدەرگى كەلتىرۋدى كوزدەگەندىكتەن, ول كوتەرىلىس رەتىندە باعالاندى.
«اسكەري جاعداي ەنگىزۋ ارەكەتى مەملەكەتتىك ب ۇلىككە تەڭ. ويتكەنى بۇرىنعى پرەزيدەنت پارلامەنت عيماراتىنا اسكەر اتتاندىرۋ ارقىلى ۇلتتىق اسسامبلەيانىڭ جۇمىسىنا نۇقسان كەلتىرۋدى كوزدەگەن», دەلىنگەن حابارلامادا.
ايتا كەتەيىك, سوت وتىرىسى تىكەلەي ەفيردە كورسەتىلدى جانە يۋن سوك ەلدىڭ قاتىسۋىمەن ءوتتى. بۇعان دەيىن ارنايى پروكۋرورلار توبى ەكس-پرەزيدەنتكە ءولىم جازاسىن سۇراعان بولاتىن.
ەستەرىڭىزگە سالا كەتەيىك, 2024 جىلدىڭ جەلتوقسانىندا يۋن سوك ەل ەلدە اسكەري جاعداي جاريالاپ, بىراق بىرنەشە ساعاتتان سوڭ پارلامەنت بۇل شەشىمنىڭ كۇشىن جويعان ەدى. وسى وقيعادان كەيىن ول وكىلەتتىگىنەن ايىرىلدى. بيىلعى جىلدىڭ 16 قاڭتاردا يۋن سوك ەل تۇتقىنداۋعا قارسىلىق كورسەتكەنى ءۇشىن 5 جىلعا سوتتالعان بولاتىن.
