سۋرەت: todayinfo.kz
پارتيانىڭ وبلىستىق ماسليحاتتاعى فراكتسياسىنىڭ جەتەكشىسى, بەلگىلى كاسىپكەر قايرات بورانباەۆ ۇسىنىلىپ وتىرعان وزگەرىستەر مەملەكەتتىك باسقارۋ جۇيەسىن جاڭعىرتۋعا, بيلىك تارماقتارى اراسىنداعى تەپە-تەڭدىكتى كۇشەيتۋگە باعىتتالعانىن اتاپ ءوتتى. سونىمەن قاتار جاڭا جوبادا ازاماتتاردىڭ قۇقىقتارى مەن بوستاندىقتارىن قورعاۋ تەتىكتەرى ناقتىلانا تۇسكەنىن ايتتى.
سپيكەر سوزىندە كونستيتۋتسيالىق رەفورمانىڭ باستى ماقساتى – ادىلەتتى, اشىق ءارى حالىق مۇددەسىنە قىزمەت ەتەتىن مەملەكەت قالىپتاستىرۋ ەكەنى جوبادا ادام قۇقىقتارىن قورعاۋ كەپىلدىكتەرىنىڭ ناقتىلانىپ, زاڭ ۇستەمدىگىن قامتاماسىز ەتۋ مەن اشىقتىق قاعيداتتارىن ورنىقتىرۋ ماسەلەلەرى كورىنىس تاپقانىنان انىق بايقالاتىنىن ايتىپ ءوتتى.
«قوعام مەن زامان وزگەرگەن سايىن زاڭ دا حالىقتىڭ سۇرانىسىنا ساي جاڭارىپ وتىراتىنى انىق. جاڭا كونستيتۋتسيا جوباسىندا «ادام مەملەكەت ءۇشىن ەمەس, مەملەكەت ادام ءۇشىن» دەگەن قاعيداتتىڭ بەرىك ورنىققانى اركىمنىڭ دە كوڭىلىنەن شىعادى دەپ ويلايمىن. ءاربىر نورماسى قوعامنىڭ سۇرانىسى مەن ۇسىنىسى نەگىزىندە ازىرلەنگەن جوبا الەۋمەتتىك تۇراقتىلىق پەن ورنىقتى دامۋعا بەرىك نەگىز قالايدى», دەدى كاسىپكەر.
كەزدەسۋدە كونستيتۋتسيا جوباسى ۋاقىت تالابىنان تۋعان قۇجات ەكەنى باسا ايتىلدى. اشىق ديالوگ فورماتىندا وتكەن كەزدەسۋدە پارتيا مۇشەسى, قالالىق ءماسليحات دەپۋتاتى اقمارال تولەگەنوۆا قوعامنىڭ ءاربىر مۇشەسى ەل بولاشاعى ءۇشىن جاۋاپتى ناۋقاننان شەت قالماۋى كەرەگىن ايتتى.
كەزدەسۋدە پارتيانىڭ وبلىستىق فيليالىنىڭ جەتەكشىسى باۋىرجان ساندىباەۆ جاڭا جوبا ەلىمىزدە كەزەڭ-كەزەڭىمەن جۇزەگە اسىرىلىپ كەلە جاتقان ساياسي جاڭعىرۋلاردىڭ جالعاسى ەكەنىنە توقتالدى.
ساۋدا ورتالىعى ۇجىمى مەن كاسىپكەرلەر «حالىق ۇنىنە قۇلاق اساتىن مەملەكەت» تۇجىرىمداماسىن ناقتىلاي تۇسەتىن جوبا تۋرالى پىكىرلەرىن جەتكىزدى.
قىزىلوردا
