الاتاۋ قالاسىندا اۋە تاكسيىنىڭ سىناقتىق ۇشىرىلىمى ءوتتى. قانات بوزىمباەۆتىڭ ايتۋىنشا, جوبانى ىسكە اسىرۋ ءۇشىن كولىك مينيسترلىگى ۋاقىتشا ەرەجەلەر ازىرلەگەن.
«بيىل ءبىز ادامدارسىز ۇشامىز, سەبەبى مارشرۋتتار وتە كوپ. ولار ەرتەڭ تاۋ كلاستەرىمەن, الماتى اۋەجايى جانە ۆوكزالدارىمەن, قوناەۆ قالاسىنداعى سۋ قويماسىمەن جانە باسقا دا نىساندارمەن بايلانىستى بولادى. مۇنىڭ ءبارىن سىناقتان وتكىزۋ قاجەت. قانداي بيىكتىكتە ۇشاتىنىن, كليماتتىق جاعدايلاردى, ءتورت مەزگىلدى باقىلاۋ كەرەك. سەبەبى بۇل قاۋىپسىزدىك ماسەلەسى: اەروماگنيتتىك ورىستەر, جوعارى ۆولتتى جەلىلەر بار. سوندىقتان بيىل جولاۋشىلار تاسىمالى بولمايدى», دەدى ول ۇكىمەتتەگى بريفينگ بارىسىندا.
سونداي-اق ول قىتاي مەن اقش-تا اەروتاكسي جۇيەسى قازىردىڭ وزىندە جۇمىس ىستەپ تۇرعانىن اتاپ ءوتتى. وسىعان بايلانىستى قازاقستان جوبانى جۇزەگە اسىرۋ ءۇشىن حالىقارالىق مامانداردى تارتىپ جاتىر.
قانات بوزىمباەۆتىڭ ايتۋىنشا, العاشقى رەيستەر كەلەسى جىلى باستالۋى مۇمكىن.
ايتا كەتەيىك, الماتى وبلىسىندا اۋە تاكسيى العاش رەت سىناقتان وتكىزىلدى.
