فوتو: اشىق دەرەككوز
سونداي-اق جسو كومەكشىلەرى مەن تاعىلىمداماشىلارىنا قويىلاتىن تالاپتار كۇشەيتىلەدى. سوڭعى ءۇش جىل ىشىندە سىبايلاس جەمقورلىققا بايلانىستى قۇقىق بۇزۋشىلىقتار ءۇشىن جاۋاپكەرشىلىككە تارتىلعان تۇلعالار مۇنداي لاۋازىمداردى اتقارا المايدى.
بۇدان بولەك, ادىلەت ورگاندارىنىڭ جەكە سوت ورىنداۋشىلارىنىڭ قىزمەتىن باقىلاۋ بويىنشا وكىلەتتىكتەرى كەڭەيتىلەدى. اۋماقتىق ادىلەت ورگاندارى مەن جسو وڭىرلىك پالاتالارى سوت ورىنداۋشىلارىنىڭ ءوندىرىپ الىنعان سومالاردى ساقتاۋعا ارنالعان ارنايى شوتتارىنداعى اقشا قاراجاتىنىڭ قالدىعى مەن قوزعالىسى تۋرالى مالىمەتتەردى سۇراتا الادى.
زاڭمەن سونداي-اق اتقارۋشىلىق قۇجاتتاردى باسقا وڭىرگە نەگىزسىز بەرۋ جوققا شىعارىلادى. ەندى, ەگەر بورىشكەر باسقا وڭىردە جۇمىس ىستەسە نەمەسە تۇزەۋ مەكەمەسىندە بولسا, جەكە سوت ورىنداۋشىسى ءىستى باسقا ورىنداۋشىعا بەرمەي-اق, بورىشكەردىڭ جۇرگەن جەرى بويىنشا جالاقىسىنان قاراجاتتى ۇستاپ قالۋ تۋرالى قاۋلىنى جولداي الادى.
تۇزەتۋلەرمەن تىيىم سالىنعان م ۇلىكتى ەلەكتروندىق ساۋدا-ساتتىقتا ساتۋ ءتارتىبى دە جەتىلدىرىلەدى. جەڭىمپاز تولەم جاساۋدان باس تارتقان جاعدايدا, ساتىپ الۋ قۇقىعى الدىڭعى باعا ۇسىنىسىن راستاعان كەلەسى قاتىسۋشىعا اۋىسادى.
قوسىمشا رەتىندە, پلاتفورمالىق جۇمىسپەن قامتيتىن ينتەرنەت-پلاتفورمالار مەن ءموبيلدى قوسىمشالاردىڭ وپەراتورلارىن سوت ورىنداۋشىلارىنا بورىشكەرلەردىڭ تابىسى تۋرالى مالىمەتتەردى بەرۋگە مىندەتتەيتىن نورما ەنگىزىلەدى.
ەسكە سالا كەتەيىك, بۇگىن ماجىلىس پارلامەنت دەپۋتاتتارى باستاماشى بولعان سالىق كودەكسىنە وزگەرىستەر ەنگىزۋ تۋرالى زاڭ جوباسىن ءبىرىنشى وقىلىمدا ماقۇلدادى.
