فوتو: اشىق دەرەككوز
ء«بىز ويى وزىق, وركەنيەتتى ەل بولامىز دەسەك, ەڭ الدىمەن قوعامداعى كەز كەلگەن مادەنيەتسىز ارەكەتكە, جابايى ءجۇرىس-تۇرىس پەن تۇرپايى تاعىلىققا, ياعني, ۆانداليزمگە تۇبەگەيلى توسقاۋىل قويۋىمىز كەرەك. وكىنىشكە قاراي, سوڭعى ۋاقىتتا تاريحي جانە مادەني نىساندارعا قاساقانا زيان كەلتىرۋ جاعدايلارى جيىلەپ كەتتى», دەدى مەملەكەت باسشىسى.
پرەزيدەنت جاقىندا عانا ماڭعىستاۋ وبلىسىنىڭ ىبىقتى ساي شاتقالىندا بولعان وقيعا بويىنشا ءتيىستى وكىلەتتى ورگاندار قاتاڭ قۇقىقتىق قورىتىندى شىعارۋى كەرەك ەكەنىن ايتتى.
ء«بىز تۇتاس قوعام بولىپ وسىنداي زاڭسىز ارەكەتتەرگە ءۇزىلدى-كەسىلدى قارسى تۇرۋىمىز قاجەت. زاڭدى قۇرمەتتەۋ, تابيعاتتى ايالاۋ, جاۋاپكەرشىلىك, جاسامپاز پاتريوتيزم قاعيداتتارى قوعامدىق سانادا تۇبەگەيلى ورنىعۋعا ءتيىس. بۇل قاسيەتتەر ازاماتتارىمىزدىڭ, اسىرەسە, وسكەلەڭ ۇرپاقتىڭ دۇنيەتانىمى كەڭ, مىنەز-قۇلقى دۇرىس ادام رەتىندە قالىپتاسۋىنا نەگىز بولۋى كەرەك», دەدى قاسىم-جومارت توقاەۆ.
ەسكە سالا كەتەيىك, مەملەكەت باسشىسى مادەنيەت جانە ونەر قىزمەتكەرلەرىن ماراپاتتاۋ راسىمىندە ءسوز سويلەپ, «اسىل مۇرا» ۇلتتىق سىيلىعى تاعايىندالاتىنىن ايتتى.
پرەزيدەنت: جاستارىمىزدى قاتاڭ, ءتىپتى قاتىگەز باسەكەلەس ورتادا تابىسقا جەتۋگە دايارلاۋىمىز كەرەك
