ۇشاقتا جولاۋشىنىڭ ءومىرىن قۇتقاردى

– ۇشاق اۋەجايدان كوتە­رىلگەن سوڭ, ارادا ءبىر ساعاتتاي ۋاقىت وتكەندە جولاۋشىنىڭ بىرىنە مەديتسينالىق كومەك قاجەت ەكەنى تۋرالى حابارلاندى. مۇنى ەستىپ, بىردەن ناۋقاستىڭ جانىنا باردىم. جاسى شامامەن ەلۋلەردەگى ايەل سۇلق ءتۇسىپ, ەسىنەن تانعان. قان قىسىمى تومەندەپ كەتكەن. شۇعىل تۇردە العاشقى مەديتسينالىق كومەك كورسەتىپ, اياقتارىن جوعارى كوتەرتكىزدىم. قاجەتتى ەم-دوم جاساعان سوڭ ناۋقاس ەسىن جيا باستادى. ايتۋىنشا, ەشبىر مەديتسينالىق ەسەپتە تۇرماعان, مۇنداي جاعدايعا ءبىرىنشى رەت كەزىگىپ وتىر. ناۋقاستىڭ جايىن ءبىر ساعاتتاي قاداعالاپ وتىردىم. اقىرىندا امان-ەسەن كەلىپ قوندىق, – دەيدى دارىگەر.

اۋەجايدا ناۋقاس ايەل ءوزىن جاقسى سەزىنەتىنىن ايتىپ, جەدەل جاردەم كومەگىنەن باس تارتقان. مۇنداي جاعداي انار كۇركەبايقىزىنىڭ دارىگەرلىك تاجىريبەسىندە العاش رەت كەزدەسكەن. اق جەلەڭدى ابزال جان بۇعان دەيىن كلينيكالىق ولىمگە تاپ بولعان ادامدى قۇتقارىپ قالعانىن ايتادى. ەكىباستۇز مەديتسينالىق كوللەدجىنىڭ, سەمەي مەديتسينا­لىق ۋنيۆەرسيتەتىنىڭ تۇلەگى بۇگىندە ەكىباستۇز قالاسىنداعى №3 ەمحانادا جالپى تاجىريبە دارىگەرى بولىپ جۇمىس ىستەيدى. ۋچاسكەسىندەگى 1,5 مىڭعا جۋىق ادامنىڭ دەنساۋلىعىنا جاۋاپ­تى. چەحيا ەلىنە, پراگا قالا­سىنا گاستروەنتەرولوگيا باعى­تىنداعى ءبىلىمىن جەتىلدىرۋ ماق­ساتىندا ىسساپارمەن بارىپتى.

پاۆلودار وبلىسى