فوتو: 24.kz
وبلىستىق مەملەكەتتىك كىرىستەر دەپارتامەنتى باسشىسى ورىنباسارىنىڭ مىندەتىن اتقارۋشى بيسەن يۋسۋباليەۆتىڭ دەرەگىنە سۇيەنسەك, كولىك سالىعىن تولەمەگەندەرگە 95 ملن تەڭگە ۇستەمە قوسىلعان.
«سالىقتى ۋاقىتىندا تولەۋ – ءار ادامنىڭ مىندەتى. قازىر كولىك سالىعى بويىنشا 4 246 جەكە تۇلعانىڭ 321 ملن تەڭگە بەرەشەگى بار. ونىڭ 226 ملن تەڭگەسى – نەگىزگى قارىز, كەشىكتىرگەنى ءۇشىن قوسىلعان اقشا 95 ملن تەڭگەنى قۇرايدى. ال 10 415 ادامنىڭ م ۇلىك سالىعىنا 50 ملن تەڭگە بەرەشەگى قالىپتاسىپ وتىر», دەيدى بيسەن يۋسۋباليەۆ.
ونىڭ پىكىرىنشە, يەلىگىندە كولىك, نە وزگە مۇلكى بار تۇرعىندارعا سالىق ۋاقىتىندا تولەنبەسە, الدىمەن حابارلاما جىبەرىلەدى. ەگەر بەرەشەك وتەلمەسە, سالىق بۇيرىعى شىعارىلىپ, ءىس جەكە سوت ورىنداۋشىلارىنا جولدانادى. كەيىن ءماجبۇرلى تۇردە ءوندىرىپ الۋ شارالارى قولدانىلادى.
ۇكىمەتتە قارجى سەكتورىنا سالىق سالۋ ماسەلەلەرى قارالدى
«ەندى جەڭىل كولىكتىڭ زاۋىتتان شىعارىلعانىنا 10 جىلدان اسسا, سالىق 30 پايىزعا تومەندەيدى. ال 20 جىلدان اسقان كولىكتەر ءۇشىن سالىق ەكى ەسە ازايادى. شارۋا قوجالىقتارىنىڭ يەلەرى ءبىر پيكاپ كولىگى ءۇشىن سالىق تولەمەيدى. قىمبات مۇلكى بار ازاماتتارعا قاتىستى جاڭا سالىق ءتارتىبى ەنگىزىلدى. ەگەر ءبىر ادامنىڭ يەلىگىندەگى ءۇيىنىڭ, عيمارات پەن باسقا دا مۇلكىنىڭ جالپى قۇنى 450 ملن تەڭگەدەن اسسا, وسى سومادان اسقان بولىگىنە 2 پايىز قوسىمشا سالىق سالىنادى. م ۇلىك نەعۇرلىم قىمبات بولعان سايىن تولەنەتىن سالىق تا سوعۇرلىم كوبەيە تۇسەدى», دەپ ءمالىم ەتتى ب. يۋسۋباليەۆ.
