فوتو: nationalbank.kz
جاڭا كوللەكتسيالىق مونەتا قىسقى وليمپيادا ويىندارىنىڭ باعدارلاماسىنا 1992 جىلدان بەرى ەنىپ كەلە جاتقان شورت-ترەككە ارنالعان. كونكيمەن جۇگىرۋدىڭ بۇل ءتۇرى جوعارى جىلدامدىعىمەن, تاكتيكالىق كۇرەسىمەن جانە تارتىستى باسەكەسىمەن ەرەكشەلەنەدى. وسى قاسيەتتەرىنىڭ ارقاسىندا شورت-ترەك قىسقى وليمپيادالاردا حالىقارالىق كورەرمەندەردىڭ ايرىقشا قىزىعۋشىلىعىن تۋدىرىپ كەلەدى.
«OLYMPIC GAMES 2026. SHORT TRACK» كوللەكتسيالىق مونەتاسى گەرمانيانىڭ MDM Münzhandelsgesellschaft mbH & Co. KG Deutsche Münze (MDM) نۋميزماتيكالىق كومپانياسىمەن سەرىكتەستىكتە دايىندالعان. مونەتا 925 سىنامالى كۇمىستەن سوعىلعان, ءتۇرلى-ءتۇستى باسپا تەحنولوگياسى قولدانىلعان. سالماعى – 20 گرامم, ديامەترى – 37 مم, دايىندالۋ ساپاسى – proof. نومينالى – 1000 تەڭگە, تارالىمى – 2000 دانا.
بۇدان ءبىر جارىم جىل بۇرىن راقىمجان قوشقارباەۆ پەن كەمەل اقىشەۆتىڭ 100 جىلدىعىنا وراي مونەتالار شىعارىلعان ەدى.
كوللەكتسيالىق مونەتالار قازاقستاننىڭ بۇكىل اۋماعىندا ءوز ناريتساتەلدىك قۇنى بويىنشا بارلىق تولەم تۇرلەرى ءۇشىن قابىلدانۋعا مىندەتتى. سونداي-اق ولاردى بانكتىك شوتتارعا ەسەپكە الۋ, اۋدارۋ, ايىرباستاۋ جانە ۇساقتاۋ ءۇشىن ەلىمىزدىڭ بارلىق بانكتەرىندە پايدالانۋعا بولادى. مونەتالار قازاقستان تەڭگە سارايىندا شىعارىلعان.
ۇلتتىق بانك «JOSHY ULYSY. 800 JYL» جاڭا مونەتالارىن شىعارادى
