كورمەدە الماتى مۋزەيى مەن م. اۋەزوۆ اتىنداعى قازاق ۇلتتىق دراما تەاترى مۋزەيىنىڭ قورىنان الىنعان تەاتر تاريحىنا قاتىستى بىرەگەي ارحيۆتىك قۇجاتتار مەن فوتوسۋرەتتەر, 1940 جىلداردان بۇگىنگى كۇنگە دەيىنگى سپەكتاكل افيشالارى ۇسىنىلدى.
ايدا بالاەۆا اۋەزوۆ اتىنداعى دراما تەاترىن 100 جىلدىق مەرەيتويىمەن قۇتتىقتادى
اسىرەسە قازاق تەاتر ونەرىنىڭ كورنەكتى مايتالماندارى كيگەن ساحنالىق كوستيۋمدەر ەلدىڭ نازارىن اۋداردى. مىسالى, ءا.مولدابەكوۆتىڭ «ۆانيا اعا» سپەكتاكلىندەگى, ش.جانداربەكوۆانىڭ «اقان سەرى – اقتوقتى», ز.ءشارىپوۆانىڭ «وتەللو» سپەكتاكلىندە دەزدەمونا رولىندە كيگەن, ت.جامانقۇلوۆتىڭ ابىلاي حان بەينەسىندەگى ساحنالىق كيىمدەرى سياقتى قۇندى ەكسپوناتتار كورمەگە قويىلدى.
كورمە عاسىرلىق تاريحى بار ۇلتتىق تەاتردىڭ شىعارماشىلىق جولىن كەڭىنەن ناسيحاتتاپ, كورەرمەندى قازاق تەاتر ونەرىنىڭ دامۋ كەزەڭدەرىمەن تانىستىرۋدى, جاس ۇرپاقتىڭ رۋحاني-مادەني قۇندىلىقتارعا دەگەن قىزىعۋشىلىعىن ارتتىرۋدى كوزدەيدى.
كورمەنىڭ اشىلۋ راسىمىنە الماتى قالاسى مادەنيەت باسقارماسىنىڭ وكىلدەرى, شىعارماشىلىق ينتەلليگەنتسيا, ونەر قايراتكەرلەرى, بۇقارالىق اقپارات قۇرالدارىنىڭ وكىلدەرى, سونداي-اق قالا تۇرعىندارى مەن قوناقتارى قاتىستى.
كورمە اقپان ايىنىڭ سوڭىنا دەيىن جالعاسادى.
