فوتو: اشىق دەرەككوز
ۇلتتىق اكادەميالىق كىتاپحانانىڭ ديرەكتورى كۇمىس سەيىتوۆانىڭ حابارلاۋىنشا, رەسپۋبليكالىق اكتسيادا بىرنەشە اۆتور مەن شىعارما داۋىس بەرۋگە ۇسىنىلىپ وتىر. ولار – قابدەش ءجۇمادىلوۆتىڭ «تاعدىر», كەڭشىلىك مىرزابەكوۆتىڭ ء«داۋىر-داستان», مەدەۋ سارسەكەنىڭ «جاڭعىرىق», تالاسبەك اسەمقۇلوۆتىڭ ء«تالتۇس», سۆەتقالي نۇرجاننىڭ «اي تارانعان ءتۇن», عالىمبەك ەلۋبايدىڭ ء«جۇز جەتىنشى كوكتەم» كىتاپتارى مەن ولجاس سۇلەيمەنوۆتىڭ ولەڭدەرى جانە قاستەك بايانبايدىڭ شىعارمالارى.
قازاق ادەبيەتىن ناسيحاتتاۋ, قوعامنىڭ كىتاپ وقۋعا دەگەن قىزىعۋشىلىعىن ارتتىرۋ, وسكەلەڭ ۇرپاقتىڭ انا تىلىنە دەگەن قۇرمەتىن كوتەرۋ ماقساتىندا ۇيىمداستىرىپ كەلە جاتقان ء«بىر ەل – ءبىر كىتاپ» اكتسياسى اياسىندا بيىل قاي قالامگەردىڭ شىعارماسىن وقيمىز؟ ول 28 قاڭتار كۇنى وتەتىن ءتيىستى كوميسسيانىڭ قورىتىندى وتىرىسىندا بەلگىلى بولادى.
ايتا كەتەيىك, اكتسيا اياسىندا 2024 جىلى بالالار ادەبيەتىنىڭ كلاسسيگى بەردىبەك سوقپاقباەۆتىڭ تۋىندىلارى, ال 2025 جىلى پروزا جانرى بويىنشا جازۋشى تاكەن الىمقۇلوۆتىڭ, پوەزيا جانرى بويىنشا اقىن جۇمەكەن ناجىمەدەنوۆتىڭ شىعارمالارى تاڭدالدى.
