كوماندا رەسپۋبليكالىق سايىستارعا بىلتىردان بەرى قاتىسا باستادى. الدىمەن جاڭاوزەن قالاسىندا وتكەن ەلىمىزدىڭ جازعى چەمپيوناتىندا باق سىناسىپ, بەسىنشى ورىندى قاناعات تۇتتى. سودان سوڭ وسكەمەندەگى كۇزگى چەمپيوناتتا جۇلدەلى ءۇشىنشى ورىنعا كوتەرىلدى. جاقىندا تالدىقورعان قالاسىندا اياقتالعان قىسقى چەمپيوناتتا قارسىلاستارىنىڭ ءبارىن ۇتىپ, ءبىرىنشى ورىنعا يە بولدى.
«جەڭىسكە بىردەن قول جەتكىزۋ مۇمكىن ەمەس. جارىسقا دايىندىق بارىسىندا ويىنشىلاردىڭ شەبەرلىگىن جەتىلدىرۋدى جان-جاقتى ويلاستىردىق. ۆولەيبولشىلاردىڭ پسيحولوگيالىق تۇرعىدان توزىمدىلىگىن نىعايتتىق. كوماندانىڭ ۇيىمشىلدىعى, ءبىر-ءبىرىن قولداۋى مەن جەڭىسكە دەگەن ۇمتىلىسى ناتيجەگە تىكەلەي اسەر ەتتى», دەيدى ا.ششەرباكوۆا.
ويىنشىنىڭ ءبىرى – ءامينا ريناتقىزى. سپورتپەن شۇعىلدانۋدى ماحامبەت اۋدانىندا باستاعان. ۆولەيبول فەدەراتسياسى ونى اتىراۋعا شاقىرىپ, جاتىن ورىنمەن قامتاماسىز ەتىپتى. ال ديانا راپاعاتوۆانى ۆولەيبولعا اپكەسى 2017 جىلى ەرتىپ اكەلگەن. سودان بەرى وسى سپورتتى سەرىك ەتىپ كەلەدى. قازىر – كوماندا كاپيتانى.
ء«بىز باپكەرلەردىڭ كەڭەسىن قالت جىبەرمەۋگە تىرىستىق. تاكتيكالىق تاپسىرمانى مۇلتىكسىز ورىنداۋعا جۇمىلدىق. دايىندىق كەزىندە كوماندانىڭ بىرلىگىنە كوڭىل بولدىك. بۇل – ءبىزدىڭ العاشقى جەتىستىگىمىز. الداعى ۋاقىتتا بۇدان دا زور جەڭىسكە قول جەتكىزۋدى ويلاستىرىپ ءجۇرمىز», دەيدى د.راپاعاتوۆا.
اتىراۋ وبلىسى
