فوتو: قىزىلوردا وبلىسى اكىمدىگى
«مىسالى 14 جىلدا العاش رەت اسا قۇندى «حاندار شەجىرەسى» قولجازباسىن يۋنەسكو-نىڭ «الەم جادى» دەرەكتى مۇرالار تىزىمىنە ەنگىزدىك. بيىل جازدا كورەيا رەسپۋبليكاسىنىڭ پۋسان قالاسىندا بۇكىلالەمدىك مۇرالار كوميتەتىنىڭ كەزەكتى وتىرىسى وتەدى. سول كەزدە «ماڭعىستاۋدىڭ جەراستى مەشىتتەرىن» ۇيىم تىزىمىنە قوسۋ ماسەلەسى قارالادى.
قازىر قازاقستان ماتەريالدىق ەمەس مادەني مۇرالار تىزىمىنە ءوز نىساندارىن بەلسەندى تۇردە ەنگىزىپ جاتقان 25 ەلدىڭ قاتارىنا كىرەدى. بىراق مۇنىمەن توقتاپ قالۋعا بولمايدى. ءتول تاريحىمىزدى زەردەلەۋ, ونەرىمىز بەن مادەنيەتىمىزدى وركەندەتۋ ءۇشىن ءالى كوپ جۇمىس ىستەلۋگە ءتيىس. بۇل شارالار الداعى ۋاقىتتا دا جالعاسا بەرەدى», دەدى پرەزيدەنت.
سونداي-اق مەملەكەت باسشىسى عالىمداردىڭ قىزىلوردا جەرىندەگى ساۋىسقاندىق پەن تۇركىستان وبلىسىنداعى ارپا وزەنىنەن جالپى سانى 17 مىڭ پەتروگليف تاپقانىن, وسىنداي قۇندى جادىگەرلەرىمىز بەن ۇلتتىق داستۇرلەرىمىزدى يۋنەسكو-نىڭ بۇكىلالەمدىك مۇرالار تىزىمىنە قوسۋدى تاپسىردى.
«ەلىمىزدە تانىمدىق ءارى تاعىلىمدىق ءمانى زور تاريحي ورىندار مەن قۇندى جادىگەرلەر از ەمەس.
مىسالى تازا اعاشتان سالىنعان جاركەنت مەشىتى – قىتاي ساۋلەتشىلەرى مەن ۇيعىر شەبەرلەرىنىڭ قولىنان شىققان بىرەگەي تۋىندى. الماتىداعى «ۆوزنەسەنسك كافەدرالدى شىركەۋى» دە – ايرىقشا تاريحي نىسان.
تاتۋلىق پەن دوستىقتىڭ سيمۆولى سانالاتىن وسى ەكى عيماراتتى «بىرلىگىمىز – ارالۋاندىقتا» قاعيداتىنىڭ ءىس جۇزىندەگى كورىنىسى دەۋگە بولادى. ۇلى دالانىڭ ءاربىر تاۋ-تاسى حالقىمىزدىڭ سان عاسىرلىق جىلناماسىنان سىر شەرتەدى. سونىڭ ءبىرى – قويناۋى قازىناعا تولى قاراتاۋ پەتروگليفتەرى.
ءتورت مىڭ جىلدىق تاريحى بار تاڭبالى تاستار ءتول وركەنيەتىمىزدىڭ تامىرى تىم تەرەڭدە جاتقانىن كورسەتەدى. عالىمدارىمىز قىزىلوردا جەرىندەگى ساۋىسقاندىق پەن تۇركىستان وبلىسىنداعى ارپا وزەننەن جالپى سانى 17 مىڭ پەتروگليف تاپقان. وسىنداي قۇندى جادىگەرلەرىمىز بەن ۇلتتىق داستۇرلەرىمىز يۋنەسكو-نىڭ بۇكىلالەمدىك مۇرالار تىزىمىندە بولۋعا ابدەن لايىق دەپ سانايمىن. قۇزىرلى مينيسترلىككە وسى ماسەلەلەرگە قاتىستى جۇمىستى قولعا الۋدى تاپسىرامىن», دەدى قاسىم-جومارت توقاەۆ.
ايتا كەتەيىك, قىزىلوردادا مەملەكەت باسشىسى قاسىم-جومارت توقاەۆتىڭ توراعالىعىمەن ۇلتتىق قۇرىلتايدىڭ V وتىرىسى ءوتتى.
پرەزيدەنت قۇرىلتايدا سويلەگەن سوزىندە ارال تەڭىزى ماسەلەسىنە توقتالىپ, ونىڭ جاھاندىق ماڭىزىن اتاپ ءوتتى.
ال مەملەكەتتىك كەڭەسشى ەرلان قارين بۋرابايداعى قۇرىلتايدان كەيىن 6 زاڭ قابىلدانىپ, 10 زاڭ جۇمىسقا الىنعانىن جەتكىزدى.
