فوتو: تجم
پەش پە الدە ەلەكتر سىمى ما؟ جەكە تۇرعىن ۇيلەردەگى ءورت سەبەپتەرى
تجم مالىمەتىنشە, جەكە تۇرعىن ۇيلەردەگى ءورت وقيعالارى ەڭ كوپ تىركەلگەن وڭىرلەر قاتارىندا شىعىس قازاقستان, الماتى, اقمولا, قاراعاندى جانە قوستاناي وبلىستارى بار. اسقار تولەشەۆ اتالعان وڭىرلەردە جىلىتۋ جۇيەلەرىن پايدالانۋ كەزىندە قاۋىپسىزدىك تالاپتارىنىڭ بۇزىلۋى ءجيى كەزدەسەتىنىن اتاپ ءوتتى.
تۇركىستان وبلىسىنداعى ورتتەن 12 ادام قازا تاپتى: وقيعا ورنىنان فوتو مەن ۆيدەولار جاريالاندى
«جەكە تۇرعىن ۇيلەردەگى ءورتتىڭ باسىم بولىگى پەش جابدىقتارى مەن ەلەكتر جەلىلەرىن پايدالانۋ ءتارتىبىنىڭ بۇزىلۋىنا بايلانىستى شىعادى. مىسالى, پەشتەر مەن مۇرجالاردا جارىقشاقتاردىڭ پايدا بولۋى, پەش الدىندا ارنايى قاڭىلتىردىڭ بولماۋى, ەلەكتر جەلىلەرىنە شامادان تىس جۇكتەمە ءتۇسۋى, ەلەكتر سىمدارى وقشاۋلاۋىنىڭ بۇزىلۋى ءورتتىڭ شىعۋىنا سەبەپ بولىپ وتىر», دەدى ورتكە قارسى قىزمەت كوميتەتى توراعاسىنىڭ ورىنباسارى اسقار تولەشەۆ.
بيىل وسى تالاپتاردى ساقتاماۋ سالدارىنان 768 ءورت وقيعاسى تىركەلگەن. ال 279 ءورت تۇرعىنداردىڭ وتتى ساقتىق شارالارىن ەلەمەي قولدانۋى مەن ماساڭ كۇيدە نە تەمەكى قالدىعىن تولىق سوندىرمەۋى سالدارىنان بولعانى انىقتالعان.
2025 جىلى ەل اۋماعىندا قانداي الاپات ءورت وقيعالارى تىركەلدى؟
الەۋمەتتىك وسال توپتاعى ازاماتتارعا ەرەكشە قولداۋ
تجم وكىلى پروفيلاكتيكالىق اكتسيالار اياسىندا حالىقتىڭ الەۋمەتتىك وسال توپتارىنا كەڭ كولەمدە كومەك كورسەتىلىپ جاتقانىن جەتكىزدى.
«وسى ساناتقا جاتاتىن 108 مىڭ تۇرعىن ءۇي مەن 225 مىڭنان استام كوپبالالى وتباسى قامتىلدى. ناتيجەسىندە مىڭداعان ۇيدە پەش جۇيەسى رەتكە كەلتىرىلىپ, ەلەكتر جەلىلەرى جوندەلدى», دەيدى اسقار تولەشەۆ.
سقو-دا ءۇي ورتەندى: اكەسى مەن بالاسى كوز جۇمدى, تاعى ءبىر بالا ىزدەستىرىلىپ جاتىر
اتاپ ايتقاندا, 2,5 مىڭنان استام ۇيدە پەشپەن جىلىتۋ جۇيەسى قالپىنا كەلتىرىلىپ, 12 مىڭنان اسا ءتۇتىن مۇرجاسى تازارتىلعان. مينيسترلىك قولداۋىمەن 2,3 مىڭ ۇيدە ەلەكتر جەلىلەرى جوندەلىپ, 39 مىڭنان استام گاز جانە ءتۇتىن داتچيكتەرى ورناتىلعان.
ايتا كەتەيىك, كۇنى كەشە پاۆلودار وبلىسى ەرتىس اۋىلىندا جەكە تۇرعىن ءۇي تۇگى قالماي ورتەنىپ, 2 بالا قايتىس بولدى.
بۇگىن قايعى جۇتقان ەرتىستىك وتباسىعا پاتەر كىلتى تابىستالدى.
