فوتو: قتج
كومپانيا مالىمەتىنشە, پويىزدا مىناداي زاتتاردى الىپ جۇرۋگە رۇقسات ەتىلمەيدى:
- جارىلعىش زاتتار مەن قۇرىلعىلار, سونداي-اق پيروتەحنيكالىق بۇيىمدار: ساليۋتتەر, فەيەرۆەركتەر جانە جارىلىس قاۋپى بار وزگە دە زاتتار.
- راديواكتيۆتى, ەسىرتكى جانە پسيحوتروپتىق زاتتار, سونداي-اق تەز تۇتاناتىن سۇيىقتىقتار مەن حيميالىق قوسپالار: مىسالى, بەنزين, مەتيل ەفيرى, مەتانول جانە سول سياقتى قاۋىپتى زاتتار.
- تۇتانعىش قاتتى زاتتار. ۋلى, كۇشتى اسەر ەتەتىن جانە ۋلاندىرعىش زاتتار (سۇيىق نەمەسە قاتتى كۇيدە).
- ينفەكتسيالىق نەمەسە بيولوگيالىق تۇرعىدا قاۋىپتى ماتەريالدار: جۇقپالى اۋرۋ تۋدىرۋى مۇمكىن زاتتار مەن ولاردى قامتيتىن بۇيىمدار.
- اتىس قارۋى, لاقتىرمالى, ەلەكترلى, مەحانيكالىق, گازدى جانە تراۆماتيكالىق قارۋ سىندى قارۋ-جاراق تۇرلەرى مەن سۋىق قارۋلار: پىشاق, قانجار, شتىك, قىلىش, پالاش, ياتاگان, تەساكي, كاستەت, كيستەن, ستيلەت, شاشكا, سەمسەر جانە وزگە دە زاتتار.
- وق-دارىلەر مەن پاتروندار: سوعىسقا ارنالعان, جارىق-دىبىستىق, حولوستىق, تراۆماتيكالىق اسەرى بار, اڭشىلىققا ارنالعان جابدىقتالعان پاتروندار جانە باسقا دا اتۋعا جارامدى سناريادتار.
اۋە رەيستەرى مەن پويىزداردىڭ سانى ارتادى: بيلەت قۇنى قىمباتتاي ما؟
بۇگىندە ەلىمىزدىڭ ءىرى تەمىرجول ۆوكزالدارى رەنتگەن-تەلەۆيزيالىق قوندىرعىلار, ستاتسيونارلىق جانە قول مەتالل دەتەكتورلار, سونداي-اق ءپورتاتيۆتى انىقتاۋ قۇرىلعىلارىمەن تولىق جابدىقتالعان.
سونىمەن قاتار, بەينەباقىلاۋ, دابىل بەرۋ جانە كۇزەت جۇيەلەرى ۇزدىكسىز جۇمىس ىستەيدى. جولاۋشىلاردىڭ قاۋىپسىزدىگىن تاۋلىك بويى پوليتسيا قىزمەتكەرلەرى مەن كۇزەت ۇيىمدارىنىڭ وكىلدەرى قامتاماسىز ەتەدى. جولاۋشىلار تاسىمالىنداعى قاۋىپسىزدىكتى كۇشەيتۋ ماقساتىندا پويىزداردا بەينەباقىلاۋ جۇيەسى كەزەڭ-كەزەڭىمەن ەنگىزىلىپ جاتىر. قازىرگى ۋاقىتتا تالگو پويىزدارىنىڭ 630 ۆاگونىنا (24 قۇرام) 1 350 بەينەكامەرا ورناتىلعان. سونىمەن قاتار 19 باعىتتا جۇرەتىن 46 مەيرامحانا جانە بار-ۆاگوندا قوسىمشا 92 كامەرا ىسكە قوسىلدى. بارلىق بەينەماتەريال احۋالدىق ورتالىققا تىكەلەي تۇسەدى. وندا ماماندار ءاربىر توتەنشە نەمەسە قالىپتان تىس جاعدايدى جەدەل تالداپ, ءتيىستى شەشىمدەر قابىلدايدى.
2026 جىلى «قازاقستان تەمىر جولى» پويىزدارى مەن «Air Astana» اۋە كەمەلەرىندە جولاۋشىلار ءۇشىن سپۋتنيكتىك ينتەرنەتتى ىسكە قوسۋ جوسپارلانىپ وتىرعانىن حابارلاعانبىز.
ايتا كەتەيىك, اقتوبە – ماڭعىستاۋ باعىتىنداعى پويىزدىڭ ۆاگوندارى جاڭاردى.
