فوتو: اشىق دەرەككوز
ۆەدومستۆو مۇنداي قادامعا وپپوزيتسيالىق كواليتسيا – سيريا دەموكراتيالىق كۇشتەرى قۇرامىنداعى كۇرد جاساقتارىنىڭ ايماققا اۋىر قارۋ-جاراقپەن تارتىلۋى سەبەپ بولعانىن حابارلادى. اسكەري بولىمشەلەر الەپپونىڭ شىعىس اۋماعىنا ورنالاستىرىلعان.
اقش سيرياداعى سودىرلارىنىڭ نىساندارىنا سوققى جاسادى
سيريانىڭ سولتۇستىگىندەگى جاعداي 6 قاڭتاردا كۇردەلەنە ءتۇستى. سول كۇنى «سدس» كواليتسياسى ۇشقىشسىز اپپاراتتار ارقىلى ۇكىمەت كۇشتەرىنىڭ پوزيتسيالارىنا سوققى بەرگەن. بۇعان جاۋاپ رەتىندە اسكەري بولىمدەر كۇرد جاساقتارىنا تيەسىلى وق-ءدارى قويماسىن جويعان.
وسىدان كەيىن الەپپونىڭ بىرنەشە اۋدانىندا ءوزارا قارقىندى سوققىلار باستالدى. تاراپتار قاقتىعىستىڭ ورشۋىنە ءبىرىن-ءبىرى ايىپتادى. قاقتىعىس سالدارىنان 24 ادام قازا تاۋىپ, تاعى 129 ادام ءتۇرلى جاراقات العان.
كەيىنىرەك, 11 قاڭتاردا تاراپتار اتىستى توقتاتۋ جونىندە كەلىسىمگە كەلدى. الايدا ايماقتاعى اسكەري كۇشتەر ساقتىق شارالارىن كۇشەيتىپ, جاعدايدى باقىلاۋدا ۇستاپ وتىر.
