مەملەكەت باسشىسىنىڭ تاپسىرماسىمەن ۇكىمەت ەكونوميكانى ءارتاراپتاندىرۋ جونىندە جۇيەلى شارالار قابىلداپ وتىر. بىلتىر ەكونوميكالىق وسىمگە نەگىزگى ۇلەستى كولىك, قۇرىلىس پەن ساۋدا سالالارى قوستى.
ونەركاسىپ ءوندىرىسىنىڭ يندەكسى جىل قورىتىندىسى بويىنشا 7,4%-دى قۇرادى. وڭدەۋ سەكتورى 6,4% دەڭگەيىندە تۇراقتى ءوسىمدى كورسەتىپ وتىر. كورسەتكىشتەر ازىق-ت ۇلىك ءوندىرىسىنىڭ 8,1%-عا, وڭدەلگەن مۇناي ونىمدەرىن وڭدەۋ 5,9%-عا, حيميا ونەركاسىبى ونىمدەرىنىڭ 9,8%-عا, مەتاللۋرگيانىڭ 1,2%-عا, ماشينا جاساۋ ونىمدەرىنىڭ 12,9%-عا ۇلعايۋىنا بايلانىستى قامتاماسىز ەتىلدى. ءوسىم اقتوبە, الماتى, اتىراۋ, باتىس قازاقستان, جامبىل, جەتىسۋ, قاراعاندى, قوستاناي, ماڭعىستاۋ, پاۆلودار, سولتۇستىك قازاقستان, ۇلىتاۋ, تۇركىستان وبلىستارىندا, استانا, الماتى مەن شىمكەنت قالالارىندا بايقالدى.
كولىك جانە قويمالاۋ سالاسىنداعى ءوسىم 20,4%-دى قۇرادى (قاڭتار-قاراشادا – 20,3%). بۇل جۇك تاسىمالى كولەمىنىڭ, ەڭ الدىمەن اۆتوموبيل مەن تەمىرجول كولىگى ارقىلى تاسىمالداۋدىڭ ۇلعايۋىنا, سونداي-اق بىرقاتار وڭىردە جولاۋشىلار تاسىمالىنىڭ ارتۋىنا بايلانىستى بولدى. قوسىمشا كولىك قىزمەتتەرىنىڭ, ونىڭ ىشىندە جۇكتەردى ەكسپەديتسيالاۋ, اۋە قوزعالىسىن باسقارۋ, اۋەجايلاردىڭ, قويمالار مەن پاكگاۋزدار قىزمەتتەرىنىڭ, استىق جانە توڭازىتىلعان جۇكتەردى ساقتاۋ قىزمەتتەرى كولەمىنىڭ ارتۋى بايقالادى.
قۇرىلىس سالاسىندا ءوسىم 15,9%-دى قۇرادى, بۇل 2025 جىلعى قاڭتار-قاراشا (14,7%) كورسەتكىشىنەن جوعارى. ءوسىم تۋرالى مەكتەپتەر, مەديتسينالىق نىساندار, كولىك پەن ينجەنەرلىك ينفراقۇرىلىمدار سالۋدى قوسا العاندا, ينفراقۇرىلىمدىق جانە الەۋمەتتىك جوبالاردى جۇزەگە اسىرۋمەن قامتاماسىز ەتىلگەن. قاڭتار-جەلتوقساندا پايدالانۋعا بەرىلگەن تۇرعىن ءۇيدىڭ جالپى اۋدانى 20,1 ملن شارشى مەتردى قۇرادى, بۇل 2024 جىلعى دەڭگەيدەن 5,1%-عا جوعارى.
ساۋدا سالاسىندا دا وڭ سەرپىن ساقتالدى: ءوسىم 8,9%-دى قۇرادى. نەگىزگى ۇلەس جالپى كولەمنىڭ ۇشتەن ەكىسىنەن استامىن قۇراعان كوتەرمە ساۋداعا تيەسىلى بولدى. كوتەرمە ساۋدا كولەمىنىڭ ءوسۋ قارقىنىنا استىق, تۇقىم مەن مال ازىعىن ساتاتىن كاسىپورىندار – 2,6 ەسە, ماشينالار مەن جابدىقتار – 99,8%, فارماتسەۆتيكالىق تاۋارلار – 44,1%, اۆتوموبيلدەر مەن جەڭىل اۆتوكولىك قۇرالدارى – 33%, ءسۇت ونىمدەرى, جۇمىرتقا مەن مايلار – 25,8%, قانت, شوكولاد پەن قانتتى كونديتەرلىك ونىمدەر – 21,2%, كەڭ اسسورتيمەنتتەگى تاۋارلار – 12,5% اسەر ەتتى.
اۋىل, ورمان جانە بالىق شارۋاشىلىعىنداعى كورسەتكىشتەر 5,9%-دى قۇرادى. ءوسىم وسىمدىك شارۋاشىلىعىندا (7,8%), مال شارۋاشىلىعىندا (3,3%) وڭ ديناميكا قامتاماسىز ەتىلگەن. اقپارات پەن بايلانىس سالاسىندا ءوسىم 3,6%-دى قۇرادى.
جالپى العاندا, 2025 جىلدىڭ قورىتىندىسى بويىنشا ەكونوميكانىڭ جيىنتىق ءوسىمى نەگىزگى سالالاردىڭ تۇراقتى دامۋىن كورسەتتى.
