كايدىڭ سوزىنشە, جەكە كۇزەت ءاردايىم جانىندا جۇرەدى, ال مۇنداي تارتىپكە بەيىمدەلۋ بىردەن وڭايعا سوقپاعان.
«بۇل راسىندا قيىن. كۇزەتشىلەر پايدا بولعان ساتتەن باستاپ ءومىر ىرعاعى كۇرت وزگەرگەندەي بولدى. دوستارمەن, قىزدارمەن ەركىن وتىرىپ اڭگىمەلەسىپ وتىرعاندا, ارتىڭدا ءبىر مەتر جەردە ءىرى دەنەلى ادام تۇرعانى ءوزىڭدى جايسىز سەزىندىرەدى», دەيدى ول.
كاي جەكە ءومىر تاقىرىبىن دا اينالىپ وتپەدى. ونىڭ ايتۋىنشا, كەزدەسۋگە شىققاندا كۇزەتشىنىڭ جاقىن ماڭدا وتىرۋى ەرەكشە قولايسىزدىق تۋدىرادى.
«اشىعىن ايتسام, ەگەر ول سەنەن ەكى ۇستەل ارىدە وتىرىپ باقىلاپ وتىرسا, ءوزىڭدى ەركىن سەزىنۋ قيىن. دەگەنمەن, وعان اسا ءمان بەرمەۋگە تىرىسامىن», دەدى ول.
سونىمەن قاتار كاي ترامپ ازىرگە وتباسى قۇرۋدى جوسپارلامايتىنىن جەتكىزدى. قازىرگى باستى ماقساتى − سپورتتاعى جولىن جالعاستىرۋ, اسىرەسە گولفقا دەن قويۋ. كاسىبي مانسابىنداعى العاشقى قادامى ءساتتى بولماعانىمەن, ول بۇل باعىتتا دامۋىن توقتاتپايدى.
