سۋرەت: astanatv.kz
اتالعان باعدارلامانى وقۋ-اعارتۋ مينيسترلىگىنىڭ «Talap» كوممەرتسيالىق ەمەس اكتسيونەرلىك قوعامى تاراپىنان سەرىكتەس كومپانيالارىمەن بىرگە جۇزەگە اسىرىرىپ جاتىر.
جاۋاپتى ۇيىمنىڭ تاراتقان اقپاراتىنا سۇيەنسەك, وسى جوبا اياسىندا ەلوردادا ء«بىلىم بەرۋ ۇدەرىسىندەگى جاساندى ينتەللەكت قۇرالدارى: وقىتۋ تيىمدىلىگىن ارتتىرۋ» تاقىرىبىندا تەگىن بىلىكتىلىكتى ارتتىرۋ كۋرستارىنىڭ رەسمي اشىلۋى ءوتتى. باستاما IT-سالاسىنىڭ مامانى ەمەس كوللەدج وقىتۋشىلارىنا ارنالعان جانە استانا قالاسىن, سونداي-اق اقمولا مەن قاراعاندى وبلىستارىن قامتيدى.
جوبانىڭ نەگىزگى ماقساتى – پەداگوگتەردىڭ تسيفرلىق جانە تەحنولوگيالىق قۇزىرەتتەرىن دامىتۋ, سونداي-اق جاساندى ينتەللەكت قۇرالدارىن وقۋ ۇدەرىسىندە ءتيىمدى قولدانۋعا ۇيرەتۋ. وقۋ باعدارلاماسى 10 اپتاعا جوسپارلانعان جانە گيبريدتى فورماتتا وتەدى. قاتىسۋشىلار زاماناۋي ۆيرتۋالدى پلاتفورمالار ارقىلى تەوريالىق ءبىلىمدى تاجىريبەمەن ۇشتاستىرىپ, پراكتيكالىق داعدىلارىن جەتىلدىرەدى.
باعدارلامانىڭ باستى ەرەكشەلىگى – ونىڭ پراكتيكالىق باعىتتىلىعى. تىڭداۋشىلار الەمنىڭ جەتەكشى ۋنيۆەرسيتەتتەرىندە ءبىلىم العان ساراپشىلاردىڭ دارىستەرىن تىڭداپ, حالىقارالىق تەحنولوگيالىق كومپانيالار وكىلدەرىمەن تاجىريبە الماسۋ مۇمكىندىگىنە يە بولادى.
قورىتىندى كەزەڭدە ءبىلىم مەن بيزنەس سالاسىنا ارنالعان AI-جوبالاردى ازىرلەۋگە باعىتتالعان «Hackathon Battle» ۇيىمداستىرىلادى.
وقۋدى ءساتتى اياقتاپ, ءوز جوبالارىن قورعاعان قاتىسۋشىلارعا «Talap» كەاق-تىڭ رەسمي سەرتيفيكاتتارى تابىستالادى.
