اتقارىلعان ماڭىزدى جوبالاردىڭ ءبىرى – وقۋىن اياقتاعانىنا 5 جىل تولماعان, 35 جاسقا دەيىنگى جۇمىسسىز تۇلەكتەرگە ارنالعان «جاستار تاجىريبەسى» باعدارلاماسى. باعدارلاما اياسىندا 2 146 جاسقا بەيىمدىلىگى مەن ماماندىعىنا ساي جۇمىس ورىندارى ۇسىنىلىپ, ولار 12 اي بويى سول مەكەمەدە تاجىريبەدەن ءوتتى. كەيىن تۇراقتى جۇمىسقا ورنالاستى. وسى كەزەڭدە ولاردىڭ جالاقىسىنىڭ 30%-ىن مەملەكەت سۋبسيديالادى. جاس ماماندارعا العاشقى ەڭبەك داعدىسىن مەڭگەرۋگە, كاسىبي تۇرعىدا قالىپتاسۋعا جول اشاتىن بۇل باعدارلاما كەلەسى جىلى دا جالعاسادى.
50 جاستان اسقان, بىراق زەينەت جاسىنا جەتپەگەن جۇمىسسىز ازاماتتارعا ارنالعان «كۇمىس جاس» جوباسى – ءساتتى ىسكە اسقان باستامالاردىڭ ءبىرى. بيىل وسى باعدارلاما ارقىلى 1 225 اقتوبەلىك جۇمىسقا ورنالاستى. ايتا كەتەرلىگى, قاتىسۋعا نيەت بىلدىرگەندەردىڭ باسىم بولىگى – ايەلدەر. ولارعا جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى ارقىلى جۇمىس ورىندارى ۇسىنىلدى. باعدارلاماعا قاتىسۋشىلاردىڭ جالاقىسىنىڭ ءبىر بولىگىن جۇمىس بەرۋشى, ال 30 اەك-تەن اسپايتىن بولىگىن مەملەكەت سۋبسيديالادى. ناتيجەسىندە, 1 125 ادام جۇمىسپەن قامتىلدى. جۇمىس بەرۋشىلەر تاراپىنان اسىرەسە قىزمەت كورسەتۋ سالاسىنا جانە وقۋ ورتالىقتارى اسحانالارىنا ۇسىنىستار كوپ ءتۇستى.
بيىل 567 اقتوبەلىك الەۋمەتتىك وسال توپتاعى ازامات 400 اەك كولەمىندە قايتارىمسىز گرانت الدى. ۇمىتكەرلەر الدىمەن «باستاۋ بيزنەس» جوباسى اياسىندا كاسىپكەرلىك نەگىزدەرىنە وقىتىلىپ, كەيىن گرانتقا ءوتىنىم تاپسىردى. جوباعا جۇمىسسىزدار مەن كاسىبىن جاڭادان باستاعان, اينالىم قاراجاتى جوق كاسىپكەرلەر قاتىستى. گرانت قارجىسى بيزنەس جوباداعى تالاپتارعا ساي قۇرال-جابدىق, مال مەن قۇس ساتىپ الۋعا نەمەسە عيمارات جالداۋعا جۇمسالدى.
وڭىردەگى كاسىپتىك-تەحنيكالىق وقۋ ورىندارىنىڭ ستۋدەنتتەرى WorldSkills جوبالارىنا بەلسەنە قاتىسىپ, «WorldSkills Qazaqstan – 2025» چەمپيوناتىنان 4 التىن, 2 كۇمىس, 2 قولا مەدالمەن ورالدى. ەڭ جوعارى ماراپاتتى ءتورت قۇزىرەتتىلىك بويىنشا اقتوبەلىك كوللەدج ستۋدەنتتەرى جەڭىپ الدى. حرومتاۋ تاۋ-كەن تەحنيكالىق كوللەدجىنىڭ ستۋدەنتتەرى مىرزابەك ساندىبەك ۇلى مەن دانيل دريجاك – وندىرىستىك اۆتوماتيكا مەن ۇشقىشسىز ۇشۋ جابدىقتارى, ش.بەرسيەۆ اتىنداعى اگرارلىق-تەحنيكالىق كوللەدج ستۋدەنتى جانات ءالي – مەيرامحانا ءىسى, اقتوبە كولىك, بايلانىس جانە جاڭا تەحنولوگيالار كوللەدجىنىڭ ستۋدەنتتەرى اقنيەت ابىلاي مەن دانيار ەربولاتوۆ – زاماناۋي تەحنولوگيالاردى مەڭگەرۋ اتالىمدارى بويىنشا ءبىرىنشى ورىن الدى.
اقتوبە وبلىسى
