رەسمي مالىمەتكە سۇيەنسەك, وقۋ-جاتتىعۋ زىمىرانمەن قارۋلانعان بولىمدەردىڭ قانشالىقتى دايىن ەكەنىن تەكسەرۋ ءۇشىن وتكىزىلگەن.
ۇشىرىلعان قاناتتى زىمىراندار الدىن الا بەلگىلەنگەن باعىتپەن ۇشىپ, كوزدەلگەن نىساناعا ءدال تيگەن. جاتتىعۋ قورىتىندىسىن شىعارعان كيم چەن ىن اسكەردىڭ جاۋىنگەرلىك دايىندىعى مەن قارۋ جۇيەلەرىنىڭ سەنىمدىلىگى ءىس جۇزىندە دالەلدەنگەنىن ايتتى. ونىڭ پىكىرىنشە, بۇل سىناقتار ەل قاۋىپسىزدىگىنە ءتونۋى مۇمكىن ءتۇرلى قاۋىپ-قاتەر جاعدايىندا ارميانىڭ ارەكەت ەتۋگە تولىق دايىن ەكەنىن كورسەتەدى.
مەملەكەتتىك اگەنتتىك حابارلاعانداي, بۇل وقۋ-جاتتىعۋ سولتۇستىك كورەيانىڭ اسكەري الەۋەتىن ساقتاۋعا جانە قارۋلى كۇشتەردىڭ دايىندىق دەڭگەيىن كوتەرۋگە باعىتتالعان شارالاردىڭ ءبىر بولىگى رەتىندە وتكەن.
بۇعان دەيىن كيم چەن ىن العاشقى اتومدىق سۇڭگۋىر قايىقتارىن تانىستىرعان ەدى. ال ودان ىلگەرىرەك تە سولتۇستىك كورەيانىڭ يادرولىق قارۋدان نەگە باس تارتپاي وتىرعانىن تارازىلاپ ەدىك.
