جۇمىس ورنى جانە وڭىرلىك كارتا

وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى ەركەبۇلان ابىلقاسىموۆتىڭ ايتۋىنشا, جاڭا جۇمىس ورنىنىڭ 15 مىڭعا جۋىعى – تۇراقتى, قالعانى – ۋاقىتشا جۇمىس ورىندارى. سونداي-اق ۇلتتىق جوبالار مەن دامۋ تۇجىرىمدامالارىنا سايكەس «ينتەگراتسيالىق جۇمىس ورىندارىن قۇرۋ» اقپاراتتىق جۇيەسىندە 82 جوبا ىسكە اسىرىلىپ وتىر. بۇل جوبانىڭ شەڭبەرىندە 2 342 ادام جۇمىسپەن قامتىلعان.

«جىل باسىنان بەرى 18 مىڭنان استام تۇرعىن جۇمىسقا ورنالاستى. ونىڭ ىشىندە 4 مىڭنان استامى قوعامدىق جۇمىسقا تارتىلدى. 1 900-دەن استام جاس «جاستار پراكتيكاسى» جوباسىمەن قامتىلدى. «كۇمىس جاس» جوباسى ارقىلى 1 500-گە جۋىق ەگدە جاستاعى جۇمىسسىز ەڭبەككە تارتىلىپ, زەينەتاقى جارناسىن تولەۋگە مۇمكىندىك جاسالدى. الەۋمەتتىك وسال توپتاعى تۇرعىندارعا دا قولداۋ كورسەتىلدى. ولاردىڭ اراسىنان 291 ادام ءوز ءىسىن باستاۋعا قايتارىمسىز گرانتقا يە بولدى», دەيدى ول.

باسقارمانىڭ ءبولىم باسشىسى گۇلبولات امانعاليەۆا ۇسىنعان دەرەككە سۇيەنسەك, جىل باسىنان بەرى 7 121 جاس جۇمىسپەن قامتىلدى. تاراتىپ ايتقاندا, تۇراقتى جۇمىسقا 4 مىڭعا جۋىعى, سۋبسيديالاناتىن ورىندارعا 3 154 جاس ورنالاسقان.

«ماۋسىم ايىنان بەرى 33 جاس قىسقا مەرزىمدى كۋرسقا جىبەرىلدى. «وnline skills» پلاتفورماسى ارقىلى وقۋعا 729 جاس تارتىلىپ, 550-ءى سەرتيفيكات الدى. «باستاۋ-بيزنەس» جوباسىمەن 862 جاس كاسىپكەرلىك نەگىزدەرىن مەڭگەرۋ وقۋلارىنا قاتىستى. ونىڭ ىشىندە 500-گە جۋىعى سەرتيفيكات الىپ, 71 جاس جۇمىسقا ورنالاستى. 43 جاسقا مەملەكەتتىك گرانت بەرىلدى», دەيدى گ.امانعاليەۆا.

ونىڭ مالىمەتىنشە, تۇرمىسى تو­مەن توپتاعى 114 جاس جەكە كاسىبىن باس­تاۋ ماقساتىندا 400 اەك كولەمىندە قاي­تارىمسىز گرانت قارجىسىن العان. سونداي-اق 13 500 جاسقا كاسىبي باعدارلاۋ قىزمەتى كورسەتىلگەن.

وڭىردە «اۋىل اماناتى» باعدارلاما­سى­مەن كاسىبىن كەڭەيتكەندەر از ەمەس. سونىڭ قاتارىندا قۇرمانعازى اۋدانىندا جەكە كاسىپكەرلىكپەن اينالىسىپ جۇرگەن سەرىك سۋجيكوۆ تە بار. ول اتالعان باعدارلامامەن 8 ملن 600 مىڭ تەڭ­گەگە ستوماتولوگياعا ارنالعان زاما­ناۋي قۇرال-جابدىقتار ساتىپ العان. ءسويتىپ, اۋىل تۇرعىندارىنا ساپالى مەديتسينالىق قىزمەت كورسەتۋدى جانداندىرىپ وتىر.

«باعدارلاما ارقىلى ستوماتولوگيا كابينەتىن جاڭارتىپ, زاماناۋي جابدىقتار الۋىما مۇمكىندىك تۋدى. بۇل – اۋىل تۇرعىندارىنا ساپالى, قولجەتىمدى قىزمەت كورسەتۋگە جاسالعان ۇلكەن قولداۋ», دەيدى س.سۋجيكوۆ.

ماحامبەت اۋدانىنداعى «يسلام-الي» شارۋا قوجالىعىنىڭ جەتەكشىسى ورازالى تالپانوۆ تا «اۋىل اماناتى» باعدارلاماسىنا قاتىسىپتى. وعان اتالعان باعدارلامامەن 8 ملن 540 مىڭ تەڭگە كولەمىندەگى قارجى بەرىلگەن. قوجالىق جەتەكشىسى بۇل قارجىعا قامبار اتا ءتولىن ساتىپ الىپ, مال سانىن كوبەيتىپتى.

«باعدارلاما ءبىز سەكىلدى اۋىل كاسىپ­كەر­­لەرىنە تىڭ سەرپىن بەردى. ءوزىم شارۋا­شى­لىعىمدى كەڭەيتۋدى ويلاپ ءجۇر ەدىم. وسى ماقساتتا مەملەكەتتىك باعدارلاما ارقىلى 17 بيە مەن 1 ايعىر ساتىپ الىپ, جۇ­مى­سىمدى جۇيەلى جۇرگىزە باستادىم», دەيدى و.تالپانوۆ.

ال ساۋلە اسانعاليەۆانىڭ نان-توقاش ونىمدەرىن پىسىرەتىن شاعىن ناۋباي­حا­ناسى بار. ول دا «اۋىل اماناتى» باع­دار­لا­ما­سىنىڭ يگىلىگىن كورىپ وتىر.

«ماقساتىم – تۇرعىنداردى كۇندەلىكتى ساپالى نان-توقاش ونىمدەرىمەن قامتۋ. تۇتى­نۋشى ساپالى ءونىمدى قالايدى. سول تۇرعىدا ناۋبايحانا جابدىقتارىن جاڭار­تۋ قاجەت ەدى. باعدارلاما ارقىلى جە­ڭىل­دەتىلگەن نەسيەگە قول جەتكىزىپ, ناۋ­باي­حاناعا قاجەتتى قۇرال-جابدىقتار ساتىپ الدىم. ەندى تۇتىنۋشىعا ساپالى ءارى ءدامدى ءونىم ۇسىنامىز», دەيدى س.اسانعاليەۆا.

اتىراۋ وبلىسى