دەنساۋلىق ساقتاۋ مينيسترلىگى
بۇعان دەيىن مۇنداي مۇمكىندىك تەك براۋزەردەگى كارتادا سىلتەمە ارقىلى عانا قولجەتىمدى بولدى. ەندى بۇل قىزمەت وداندا ىڭعايلى بولا ءتۇستى. ياعني, جەدەل جاردەم كولىگىنىڭ قاي جەردە كەلە جاتقانىن ياندەكس Go قوسىمشاسى ارقىلى كورۋگە بولادى. شاقىرتۋ تۇسكەن كەزدە, جۇيە اۆتوماتتى تۇردە ياندەكس Go قوسىمشاسىنان push-حابارلاما جىبەرەدى جانە مەديتسينا ماماندارى قاي جەردە كەلە جاتقانىن, سونداي-اق ونىڭ قانشا ۋاقىتتان كەيىن كەلەتىنىن كورسەتەدى.
بۇل اقپاراتتى تۋىسىڭىزعا تىكەلەي قوسىمشادان جىبەرۋگە بولادى. ەگەر قوسىمشا ورناتىلماعان بولسا, ءوتىنىش بەرۋشىنىڭ تەلەفونىنا كارتاعا كىرەتىن سىلتەمەسى بار SMS-حابارلاما كەلەدى. كارتانى براۋزەردەن اشقان كەزدە, پايدالانۋشى جەدەل جاردەمنىڭ قوزعالىسىن ناقتى ۋاقىت رەجيمىندە كورە الادى.
Yandex Qazaqstan باسشىسى تيمۋر شالەكەنوۆ بۇل باستاما اقتوبە اكىمدىگىمەن جانە دەنساۋلىق ساقتاۋ مينيسترلىگىمەن بىرلەسىپ ىسكە اسىرىلعانىن اتاپ ءوتتى. العاشقى كەزەڭدە مۇمكىندىك اقتوبەدەگى تەك بەلگىلى ءبىر شاقىرتۋلارعا عانا قولجەتىمدى. بولاشاقتا ونى قالا بويىنشا بارلىق شاقىرتۋلارعا ەنگىزۋ جوسپارلانىپ وتىر.
