سۋرەت: kazpravda.kz
وتەماقى جەكە وقۋ جوسپارىنا جانە بالانىڭ ۇيدە وقىتىلاتىنىن راستايتىن ءبىلىم ۇيىمىنىڭ انىقتاماسى نەگىزىندە تولەنەدى. تولەم وقۋ بارىسىن قامتاماسىز ەتۋگە بايلانىستى شىعىنداردىڭ ءبىر بولىگىن وتەۋگە باعىتتالعان. تولەم مەرزىمنىڭ اياقتالۋىنا نەمەسە بالاعا ءبىلىم بەرۋ ءتۇرىنىڭ وزگەرۋىنە بايلانىستى توقتاتىلادى.
قىزمەتتى پايدالانۋ ءۇشىن:
- eGov Mobile قوسىمشاسىنا كىرىپ, «eGov مەملەكەتتىك قىزمەتتەرى» – «جەڭىلدىكتەر, جاردەماقى جانە زەينەتاقى» ءبولىمىن اشۋ;
- «مۇگەدەكتىگى بار بالالاردى ۇيدە وقىتۋعا جۇمسالعان شىعىنداردى وتەۋ» قىزمەتىن تاڭداپ, قاجەتتى دەرەكتەردى تولتىرۋ;
- قىزمەتتى قولجەتىمدى قول قويۋ ادىستەرىنىڭ بىرىمەن راستاۋ قاجەت;
- قۇجاتتاردى راسىمدەۋ مارتەبەسىن «قىزمەتتەر تاريحى» بولىمىنەن تەكسەرۋ قاجەت.
قىزمەت كورسەتۋ مەرزىمى – مەملەكەتتىك ورگان تولىق قۇجاتتار پاكەتىن تىركەگەن كۇننەن باستاپ 8 جۇمىس كۇنى. تولەم ءبىلىم ۇيىمى بەرگەن انىقتامادا كورسەتىلگەن كەزەڭگە عانا تاعايىندالادى, جاڭا مەرزىمگە اۆتوماتتى تۇردە ۇزارتىلمايدى. بالاعا بەلگىلەنگەن مۇگەدەكتىك مەرزىمى اياقتالعان سوڭ كۋالاندىرۋدى قايتا وتكىزىپ, ءوتىنىشتى قايتا راسىمدەۋ قاجەت.
