وتكىزۋ پۋنكتتەرىندەگى زاماناۋي تسيفرلىق وزگەرىستەر

مەملەكەت باسشىسى قاسىم-جومارت توقاەۆتىڭ شەكارا ماڭىنداعى ينف­را­قۇرىلىمدى جاڭعىرتۋ جونىندەگى تاپسىرماسى اياسىندا پايدالانۋعا بەرىلگەن نىسانداردىڭ رەسمي اشىلۋىنا قارجى ءمينيسترى ءمادي تاكيەۆ پەن تۇركىستان وبلىسىنىڭ اكىمى نۇرالحان كوشەروۆ قاتىستى.

قارجى ءمينيسترى جاڭعىرتۋ باع­دارلاماسى قىتاي, وزبەكستان مەن تۇرىكمەنستان شەكارالارىندا ورنا­لاس­قان بارلىعى توعىز وتكىزۋ پۋنكتىن قام­تى­عانىن اتاپ ءوتتى. قازىر «قاپلانبەك», «اتامەكەن», «قالجات» پەن «الاكول» سياقتى بىرقاتار نىسانداعى جۇمىس­تار اياقتالعان. ال جىل سوڭىنا دەيىن «تاجەن», «مايقاپشاعاي» مەن «باقتى» پۋنكتتەرى قايتا جاڭعىرتىلماق.

جوندەۋ جۇمىستارى كولىك قوزعا­لىسى مەن جۇك وتكىزۋ ۇدەرىسىنە كەدەر­گى كەلتىرمەۋگە ءتيىس. وسى ماقساتتا ۋاقىتشا قوزعالىس سىزباسى جاسالعان, بۇل كەپتەلىستىڭ الدىن الىپ, جۇك پەن جولاۋشىلار تاسىمالى ۇزدىكسىز جۇرۋىنە مۇمكىندىك بەرگەن.

جاڭا تەحنولوگيالاردى ەنگىزۋ­دىڭ ناتيجەسىندە پۋنكتتەردە شەكارادان ءوتۋ ۋاقىتى 30 مينۋتقا دە­يىن قىسقارىپ, وتكىزۋ قابىلەتى تاۋلى­گىنە 1 مىڭ كولىككە دەيىن ۇلعايتىلدى, كو­لىك اعىنى 2,5 ەسە ارتقان. مىسالى, 2022 جىلى شەكارانى 640 مىڭ كولىك كەسىپ وتسە, بۇگىندە بۇل كورسەتكىش 1,5 ملن-عا جەتكەن.

«قازىعۇرت» وتكىزۋ پۋنكتى – حالىق­ارالىق ستاندارتتارعا ساي كەلەتىن زاماناۋي تەحنولوگيالىق كەشەن. مۇندا كولىكتى تىركەۋدىڭ اۆتوماتتاندىرىلعان جۇيەسى, وزىق سكانەرلەۋ جابدىقتارى, سالماق-گاباريت ولشەۋ جۇيەلەرى, سونداي-اق رەنتگەن-تەلەۆيزيالىق قوندىرعىلار, «تەپلوۆيزورلار» جانە رادياتسيالىق باقىلاۋ قۇرالدارى ىسكە قوسىلعان. قوزعالىس اعىنى جاياۋ جۇرگىنشى­لەر, جەڭىل ءارى جۇك كولىكتەرى دەپ بولىن­گەن. بۇل قاۋىپسىزدىكتى ارتتىرىپ, قوزعالىستى جىلدامداتادى. جۇك كولىكتەرى تەحنيكالىق باقىلاۋ­دان كەدەرگىسىز وتۋگە ارنالعان اۆتومات­تاندىرىلعان جۇيە دە ورناتىلعان.

ينفراقۇرىلىمدى جاڭارتۋمەن قاتار مينيسترلىك كەدەن راسىمدەرىن تسيفرلاندىرۋعا دا كوڭىل بولگەن. ايتالىق, Keden اقپارات جۇيەسى كەزەڭ-كەزەڭىمەن ەنگىزىلىپ جاتىر. جۇيە ەكسپرەسس-جۇكتەر مەن تاۋارلاردى ەسەپكە الۋدى ءارى ۆيرتۋالدى قويمالاردى اۆتوماتتاندىردى.

جاساندى ينتەللەكت نەگىزىندە تا­ۋارلار مەن قىزمەتتەردى دەكلاراتسيا­لاۋ ءمودۋلىن ىسكە قوسۋ جۇمىسى دا قولعا الىنعان. ماقسات – ەلەكتروندى دەكلاراتسيانىڭ تولىق تسيكلىن اياقتاپ, 2026 جىلدان باستاپ تيىمدىلىكتى باقىلاۋ, ساراپتاۋ مەن باعالاۋ مودۋلدەرىن ەنگىزۋ. بۇل بيزنەستىڭ جۇمىسىن ايتارلىقتاي جەڭىلدەتىپ, قىزمەت كورسەتۋدى جەدەلدەتە تۇسەدى.

بيىلعى ساۋىردە وزبەكستانمەن شەكارادا ورنالاسقان «جىبەك جولى» وتكىزۋ پۋنكتىن اۋقىمدى جاڭعىرتۋ جۇمىستارى باستالعان بولاتىن. جاڭا كەشەن جالپى اۋدانى 10 مىڭ شارشى مەتردى الىپ جاتقان ەكى زاماناۋي جولاۋشىلار تەرمينالى مەن اۆتوكولىككە ارنالعان بىرىڭعاي شاتىردى قامتيدى. ءتيىستى جۇمىستار اياقتالعاننان كەيىن وتكىزۋ پۋنكتى تاۋلىگىنە 70 مىڭ ادامدى قابىلداي الاتىن دەڭگەيگە جەتىپ, ەكى مىڭ جەڭىل كولىكتى وتكىزە الادى.

تاعى ءبىر يننوۆاتسيالىق باعىتتار­دىڭ ءبىرى – قىتايمەن بىرلەسە قولعا الىنعان «باقتى-پوكيتۋ» جوباسى. قىتاي تاراپى بۇل جوباعا شامامەن 50 ملن دوللار كولەمىندە ينۆەستيتسيا جۇمساماق. جوبا اياسىندا ۇشقىشسىز باسقارىلاتىن ەلەكتر شاتلدارىن پايدالانۋ, «اقىلدى» لوگيستيكانى, AGV-تەرمينالدار مەن زاريادتاۋ ستانسالارىن ەنگىزۋ سىندى تسيفرلىق جوبالاردىڭ تولىققاندى ينتەگراتسياسىن جاساۋ جوسپارلانىپ وتىر.

«جاڭا وتكىزۋ پۋنكتتەرىن ىسكە قوسۋ – مەملەكەتتىك ورگاندار مەن شەكارا قىزمەتىنىڭ, ينجەنەر, قۇرى­لىسشى سەكىلدى مامانداردىڭ بىر­لەسكەن جۇمىسىنىڭ جەمىسى. ءبىز ەكونوميكانى دامىتۋعا ۇلەس قوسىپ, ەلىمىزدى باسەكەگە قابىلەتتى ءترانزيتتى حاب رەتىندە ايقىندايتىن زاماناۋي ينفراقۇرىلىمدى قۇرۋعا ءمان بەرىپ كەلەمىز. وتكىزۋ پۋنكتتەرىن جاڭعىرتۋ – مەملەكەت باسشىسىنىڭ قازاقستاننىڭ ترانزيتتىك الەۋەتىن ارتتىرۋعا باعىتتالعان تاپسىرماسىن ىسكە اسىرۋ باعىتىنداعى جۇيەلى قادام», دەدى م.تاكيەۆ.