سۋرەت: primeminister.kz
جيىنعا سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ, اۋىل شارۋاشىلىعى ءمينيسترى ايداربەك ساپاروۆ, سۋ شارۋاشىلىعى ۇيىمدارىنىڭ, جەرگىلىكتى اتقارۋشى جانە قۇقىق قورعاۋ ورگاندارىنىڭ, سونداي-اق ايماقتىڭ شارۋا قوجالىقتارىنىڭ وكىلدەرى قاتىستى.
كەزدەسۋدە وبلىس شارۋالارىنا ترانسشەكارالىق سۋدىڭ كەلۋى ازايۋىنا بايلانىستى تۋىنداعان قاۋىپتەر مەن سۋارۋ ماۋسىمىندا سۋ رەسۋرستارىن ۇتىمدى پايدالانۋ شارالارى ءتۇسىندىرىلدى. اتاپ ايتقاندا, وسىرىلەتىن اۋىل شارۋاشىلىعى داقىلدارىن ءارتاراپتاندىرۋ مەن سۋ ۇنەمدەۋ تەحنولوگيالارىنا كوشۋ ءىسى تالقىلاندى.
«سۋ رەسۋرستارىنىڭ قولجەتىمدى كولەمىنىڭ ازايۋى جالعاسىپ وتىرعاندىقتان, الداعى ۆەگەتاتسيا كەزەڭىندە سۋ تاپشىلىعى قاۋپى بار. بۇل – ورتالىق ازيانىڭ بارلىق ەلى تاپ بولىپ وتىرعان تابيعي ۇدەرىس. سۋ كەلۋ كولەمىنىڭ ازايۋ سالدارىن بارىنشا ازايتۋ ءۇشىن اۋىل شارۋاشىلىعى داقىلدارىن ءارتاراپتاندىرۋ مەن سۋ ۇنەمدەۋ تەحنولوگيالارىن ەنگىزۋدى جەدەلدەتۋ قاجەت. ول ءۇشىن مەملەكەت بارلىق جاعدايدى جاساپ جاتىر. بۇل سۋ رەسۋرستارىن ۇنەمدەۋ ماسەلەسى عانا ەمەس, بۇعان قوسا ەلدىڭ سۋ مەن ازىق-ت ۇلىك قاۋىپسىزدىگى دە وسى ماسەلەگە تىكەلەي بايلانىستى. دايىندالۋعا ۋاقىت بار, جاۋاپتى ورگاندار مەن جەرگىلىكتى اتقارۋشى بيلىك, سونداي-اق ديقاندار ونى ءتيىمدى پايدالانۋعا ءتيىس», دەدى پرەمەر-ءمينيستردىڭ ورىنباسارى.
ەسكە سالا كەتەيىك, سۋدى ۇنەمدەۋ مەن زاماناۋي سۋارۋ جۇيەلەرىنە كوشۋگە ىنتالاندىرۋ ماقساتىندا ۇڭعىمالاردى بۇرعىلاۋ, ينفراقۇرىلىم تارتۋ, سۋ ۇنەمدەيتىن جابدىقتار ساتىپ الۋ شىعىندارىن وتەۋ ۇلەسى 50%-دان 80%-عا دەيىن كوتەرىلدى. سۋارۋ سۋىنا سارالانعان تاريف ەنگىزىلدى. سۋ ۇنەمدەۋ تەحنولوگيالارىن قولداناتىن شارۋا قوجالىقتارى ءۇشىن سۋ قۇنىن سۋبسيديالاۋ 60%-دان 85%-عا دەيىن ۇلعايدى.
2026–2028 جىلدارعا ارنالعان جالپى ترانسفەرتتەر شەڭبەرىندە سۋ ۇنەمدەۋ تەحنولوگيالارىن ەنگىزۋدى ءارى ەگىنگە قاجەتتى سۋ قۇنىن سۋبسيديالاۋدى قولداۋعا بۇرىنعى ءۇش جىلدىق كەزەڭمەن سالىستىرعاندا ءتورت ەسە كوپ قاراجات ءبولىندى.
قابىلدانعان شارالار ەلىمىزدە سۋ ۇنەمدەۋ تەحنولوگيالارى قولدانىلاتىن ەگىستىك القابى كولەمىن جىل سايىن 150 مىڭ گەكتاردان استامعا ۇلعايتۋعا مۇمكىندىك بەردى. 2030 جىلعا قاراي رەسپۋبليكاداعى 1,3 ملن گەكتار سۋارمالى جەردى زاماناۋي سۋارۋ جۇيەلەرىمەن قامتۋ جوسپارلانىپ وتىر.
بۇگىندە جامبىل وبلىسىندا سۋ ۇنەمدەۋ تەحنولوگيالارى 66,5 مىڭ گەكتاردا قولدانىلىپ جاتىر. ونىڭ قاتارىندا جاڭبىرلاتىپ سۋارۋ جۇيەسى – 19,3 مىڭ گەكتار, تامشىلاتىپ سۋارۋ – 44,6 مىڭ گەكتار, لازەرلىك تەگىستەگىشپەن – 2,6 مىڭ گەكتار.
بۇعان قوسا, كەڭەستە اۋىل تۇرعىندارىنىڭ تابىسىن ارتتىرۋعا باعىتتالعان «اۋىل اماناتى» جوباسىنىڭ نەگىزگى تەتىكتەرى دە تالقىلاندى.
بيىل جوبانى ىسكە اسىرۋ بويىنشا جاڭا تاسىلدەر ازىرلەندى. اتاپ ايتقاندا, راسىمدەردى جەڭىلدەتىپ, باسىم باعىتتاردى قولداۋعا ارنالعان جاڭا قاعيدالار بەكىتىلىپ, قولدانىلىپ جاتىر. ەڭ الدىمەن وسىرۋدەن باستاپ وتكىزۋگە دەيىنگى تولىق وندىرىستىك تسيكلدى قامتاماسىز ەتەتىن قىزمەت تۇرلەرىن, سونداي-اق كووپەراتيۆتەردى قولداۋ نەگىزگى باسىمدىقتار رەتىندە ايقىندالدى.
جيىندا قارجىلاندىرۋ ليميتتەرى ەنگىزىلەتىنى دە ايتىلدى: قاراجاتتىڭ 40%-عا دەيىنگى كولەمى – مال شارۋاشىلىعىنا, كەمىندە 20%-ى وڭدەۋ سالاسىنا باعىتتالادى. بۇعان قوسا, اۋىل شارۋاشىلىعى سالاسىنا جاتپايتىن جاڭا بيزنەس تۇرلەرى دە تىزىمگە ەنگىزىلدى.
2026–2028 جىلدارى جامبىل وبلىسىندا 1 مىڭنان اسا جوبانى ىسكە اسىرۋعا 31 ملرد تەڭگەدەن استام قارجى ءبولۋ جوسپارعا ەنگىزىلگەن. وڭىردە مال شارۋاشىلىعىنىڭ جوعارى كورسەتكىشتەرىنە قاراماستان, بورداقىلاۋ, سويۋ, ساقتاۋ, وڭدەۋ مەن لوگيستيكا ينفراقۇرىلىمى جەتكىلىكسىز. وسىعان بايلانىستى اكىمدىكتەرگە, ونىڭ قاتارىندا شاعىن يندۋستريالىق ايماقتار قۇرۋ بويىنشا ءتيىستى تاپسىرمالار بەرىلدى.
نەگىزگى كەدەرگىلەردىڭ ءبىرى – اۋىل تۇرعىندارىنىڭ ءبىر بولىگىندە جەتكىلىكتى كەپىلدىڭ بولماۋى. وسىعان بايلانىستى ۆيتسە-پرەمەر «دامۋ» كاسىپكەرلىكتى دامىتۋ قورىنا جانە ۇلتتىق ەكونوميكا مينيسترلىگىنە ۇسىنىستار ەنگىزۋدى تاپسىردى.
