فوتو: اشىق دەرەككوز
Krisha.kz بانكتەردىڭ قازىرگى شارتتارىنا, ۇلتتىق بانكتىڭ جوسپارلارىنا جانە ساراپشىلاردىڭ بولجامدارىنا تالداۋ جۇرگىزدى.
2025 جىلى يپوتەكا نارىعى قىسىمعا ۇشىرادى. بازالىق مولشەرلەمە كوتەرىلگەننەن كەيىن ەكىنشى دەڭگەيلى بانكتەر يپوتەكا بەرۋدى ۋاقىتشا توقتاتتى. كەيىن قايتا ىسكە قوسىپ, تالاپتارىن وزگەرتكەن ەدى. تەك وتباسى بانكى عانا نەسيە بەرۋدى بۇرىنعى شارتتارمەن جالعاستىردى.
ءبىرىنشى نارىقتاعى باسپاناعا (پەرۆيچنىي رىنوك) يپوتەكا راسىمدەۋ جەڭىلىرەك. ال ەكىنشى نارىقتاعى (ۆتوريچنىي رىنوك) باسپاناعا ارنالعان يپوتەكا كەز كەلگەن بانكتە قولجەتىمدى ەمەس.
بۇگىندە ەكىنشى نارىقتاعى تۇرعىن ۇيگە نەسيە ۇسىناتىن بەس بانك قالدى:
-
Halyk Bank
-
بانك تسەنتركرەديت
-
ForteBank
-
Altyn Bank
-
وتباسى بانك
قالعان بانكتەردە باعدارلامالار شەكتەلگەن نەمەسە ۋاقىتشا توقتاتىلعان.
ەكىنشى دەڭگەيدەگى بانكتەردىڭ يپوتەكا راسىمدەۋ كەزىندەگى شارتتارى كەلەسىدەي:
-
ورتاشا مولشەرلەمە – جىلدىق 22%;
-
باستاپقى جارنا – 20%-دان باستاپ;
-
مەرزىم – 20 جىلعا دەيىن.
وتباسى بانك شارتتارى:
-
مولشەرلەمە – 3,5%-دان (تۇرعىن ءۇي قارىزى) 8,5%-عا (ارالىق قارىز) دەيىن;
-
جيناق – دەپوزيتتە 50%-دان باستاپ.
2026 جىلى يپوتەكاعا قانداي وزگەرىستەر ەنگىزىلۋى مۇمكىن
باستى جاڭالىق – مولشەرلەمە ەسەپتەۋ ادىستەمەسى وزگەرىپ, جەكە بەلگىلەنەدى.
مولشەرلەمە تومەندەگى فاكتورلارعا تىكەلەي بايلانىستى بولادى:
-
نەسيە مەرزىمى;
-
باستاپقى جارنا كولەمى;
-
قارىز الۋشىنىڭ تاۋەكەلى.
مىسالى, باستاپقى جارنا 20% جانە مەرزىم ۇزاق بولسا – تاۋەكەل جوعارى, تيىسىنشە مولشەرلەمە دە جوعارى بولادى. ال جارنا 50–70% جانە مەرزىم قىسقا بولسا – تاۋەكەل تومەن, مولشەرلەمە ازايادى.
جاڭا جۇيە كەلەسى جىلدىڭ شىلدە ايىنان باستاپ كۇشىنە ەنۋى مۇمكىن.
جىلجىمايتىن م ۇلىك باعاسىنىڭ قازىرگى جاعدايى
باعالار بارلىق ءىرى قالالاردا تۇراقتى ءوسىپ جاتىر. 2025 جىلعى تامىزدان باستاپ جاڭا قۇرىلىستارداعى پاتەر باعالارى اي سايىن ارتىپ كەلەدى.
ەكىنشى نارىقتا دا ءوسىم بايقالادى, ءارى پاتەردىڭ 1 كۆادراتقا شاققانداعى قۇنى رەكوردتىق دەڭگەيگە دەيىن ءوستى. ماسەلەن, الماتىدا پاتەردىڭ ورتاشا باعاسى كۆادراتىنا 803 380 تەڭگەنى قۇرايدى.
يپوتەكانى قازىر العان دۇرىس پا, الدە كۇتكەن ءجون بە؟
ساراپشىلاردىڭ پايىمىنشا, الداعى ايلاردا بازالىق مولشەرلەمەنى تومەندەتۋ جوسپاردا جوق.
«جىلدىق 20–25% مولشەرلەمە – يپوتەكانىڭ جاڭا شىندىعى. پايىزدىق مولشەرلەمەنى كەيىن قايتا قارجىلاندىرۋ ارقىلى وزگەرتۋگە بولادى, الايدا باستاپقى قارىز سوماسىن ازايتۋ مۇمكىن ەمەس. سوندىقتان قولايلى باعامەن پاتەر تاۋىپ, اي سايىنعى تولەم ءوز بيۋدجەتىڭىزگە ساي كەلسە – يپوتەكانى قازىر العان دۇرىس. بولاشاقتا جاعداي قيىنداي تۇسەدى, پاتەر الۋ مۇمكىندىگى شەكتەلەدى», دەيدى Krisha.kz ساتۋ ءبولىمىنىڭ جەتەكشىسى يمران وسمانوۆ.
ونىڭ ايتۋىنشا, ەگەر ءتيىمدى باعادا پاتەر تاپساڭىز, الدىن الا ماقۇلداۋدان ءوتىپ, اي سايىنعى تولەم قولايلى بولسا, 2026 جىلعى جاڭا باعا وسىمىنە دەيىن ۇلگەرگىڭىز كەلسە ءۇي الۋعا بولادى. ەگەر وتباسى بانكىندە جيناعىنىڭ بولىپ, يپوتەكالىق تۇرعىن ءۇي قارىزىنا ءوتۋدى جوسپارلاپ جۇرسەڭىز كۇتكەن ءجون بولادى.
